Vijojnë homazhet që po mbahen për kolosin e letrave shqip Ismail Kadare i cili u nda nga jeta dy ditë më parë.
Pjesë e ceremonisë, ka qenë grup përfaqësues nga News24.
Presidenti i ‘Hysenbelliu Group’, Irfan Hysenbelliu deklaroi mes të tjerash se është i bindur që pas ndarjes nga jeta, shkrimtari i madh do të marrë edhe çmimin Nobel, çmim për të cilin ka qenë kandidat disa herë.
“Kam besim që pas vdekjes do të marrë çmimin Nobel. Iu prehtë shpirti në paqe!”, u shpreh ai.
Kadare u shua mëngjesin e së hënës në moshën 88-vjeçare në ambientet e QSUT, ndërkohë që sot trupi i tij përcillet për në banesën e fundit.
