• Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
Writy.
No Result
View All Result

Futbolli i vajzave & politikat gjinore të federatave europiane / Anëtarja e KE, Anila Basha merr pjesë në Hamburg Sport Summit

07/05/2024
in Sport
Futbolli i vajzave & politikat gjinore të federatave europiane / Anëtarja e KE, Anila Basha merr pjesë në Hamburg Sport Summit

Hamburg, 04.07.2024 Photo: Hamburg Sports Summit_for FKM_by Hannes Holtermann

Share on FacebookShare on WhatsappShare on Twitter

Futbolli i vajzave dhe politikat gjinore që ndjekin federatat e shteteve europiane u diskutua në Hamburg Sport Summit, një aktivitet që zhvillohet për të tretin vit radhazi në këtë qytet. Përfaqësuese e Shqipërisë në këtë Samit me temën “Building a diverse future for sports” ishte Anila Basha, anëtare e Komitetit Ekzekutiv të FSHF-së, njëkohësisht kryetare e komisionit të futbollit të vajzave në Shqipëri.

https://albaniatimes.net/wp-content/uploads/2025/01/1tnwkf.mp4

Anila Basha u ftua nga drejtuesit e Samitit për të folur për futbollin e vajzave në Shqipëri, si një rast i suksesshëm në përpjekjet që bëhen në UEFA për të zhvilluar më tej këtë sport.

Drejtuesja e panelit e nisi diskutimin me prezantimin e zonjës Basha, si e para grua e zgjedhur në forumin më te lartë qeverisës të futbollit në Shqipëri dhe kërkoi të dinte më shumë se cilat ishin hapat konkretë të ndërmarrë në vend për futbollin e vajzave.

“Ne e dimë se nuk është e thjeshtë të dalësh kundër rrymës apo zakoneve të trashëguara. Por Federata Shqiptare e Futbollit, me ndihmën e UEFA dhe FIFA, ka miratuar nëntorin e kaluar strategjinë “Rising Stars” për futbollin e vajzave, e cila në fakt është pjesë e strategjisë kombëtare “Futbolli për Kombin 2022 – 2025”.

Kemi identifikuar terrenin dhe problemet, ndërkohë që po zhvillojmë politikat tona sportive në disa drejtime: së pari, shtrirjen në një bazë të gjerë të futbollit të moshave dhe fëmijëve në shumë shkolla fillore në vend.

Projektet si “Playmakers”, “UEFA championship for Girls”, “Fifa Football4School” apo “TDS” janë një mbështetje e madhe për zgjerimin e futbollit te fëmijët dhe gjetjen e talenteve”, – u shpreh anëtarja e KE.

“Në lidhje me futbollin kombëtar, FSHF jep mbështetje financiare dhe krijon premisat e duhura për organizim të rregullt të kompeticioneve. Sa i përket kombëtares shqiptare, ajo konkurron në gjitha kompeticionet ndërkombëtare të të gjitha niveleve dhe FSHF krijon kushtet dhe mbështetjen për një performancë sa më të mirë të ekipeve tona të vajzave”, – tha Anila Basha para të pranishmëve në Samit.

Në vijim, fokusi i diskutimit u orientua në politikat gjinore që FSHF-ja ndjek në Shqipëri, për të cilat znj. Basha u shpreh se punohet në disa drejtime.

“Ne punojmë në tre drejtime në politikat e barazisë dhe diversitetit në futboll, duke filluar nga organizata jonë. Struktura organizative e FSHF përbëhet nga 120 punonjës, ku 40 prej tyre janë gra, të cilat punojnë në departamente të ndryshme. Në nivel menaxherial, gjysma e drejtuesve të departamenteve në FSHF janë gra”, – tha Anila Basha.

“Drejtimi i dytë është fuqizimi i futbollit të vajzave, i cili është rritur në te gjitha aspektet. Madje në Shqipëri ne kemi edhe një kampionat amator të vajzave të moshës 11 – 15 vjeç”, – shtoi më tej ajo.

“Drejtimi i tretë për politikat gjinore të ndjekura nga ana jonë, fokusohet tek edukimi si një mjet i rëndësishëm për të arritur qëllimin tonë. Ne kemi shtuar kurset e trajnimit, duke inkurajuar gratë dhe vajzat që të marrin role lidershipi në sektorë të ndryshëm si: trajnere, arbitre apo edhe drejtore teknike. Disa kurse janë falas, ndërsa për kurse si UEFA Pro, për të gjitha vajzat që aplikojnë ka çmime të diferencuara për t’i inkurajuar”, – u shpreh znj. Basha.

Në fund, ajo u ndal të rëndësia e bashkëpunimit të Federatës me strukturat e FIFA-s dhe UEFA-s për zbatimin e këtyre politikave.

“E dimë se është e vështirë por jo e pamundur. FSHF bën gjithçka që duhet për të përmirësuar infrastrukturën sportive dhe për të krijuar kushtet që vajzat dhe gratë që përqafojnë sportin e futbollit të ndihen në një terren të qetë, komod dhe bashkëpunues. Në shumë projekte, sigurisht që kërkohet ndihma e organizatave ndërkombëtare si FIFA dhe UEFA, pa mbështetjen e të cilave, të gjitha këto reforma nuk do të kishin rezultatet e pritura”, – theksoi anëtarja e Komitetit Ekzekutiv, Anila Basha në referimin e saj para audiencës.

Pjesëmarrës në këtë Samit ishin shumë personalitete të botës së futbollit të vajzave, mes të cilëve Laura McAllister, anëtare e Komitetit Ekzekutiv të UEFA-s, Lise Klaveness, presidente e Federatës Norvegjeze të Futbollit si edhe përfaqësues nga federatat e ndryshme, klubet më të njohura europiane dhe organizata ndërkombëtare.

Related

Tags: #sport
Previous Post

Një finale e parakohshme, Spanjë-Gjermani “ndez” Evropianin, ja si vijnë dy përfaqësueset në këtë përballje epike

Next Post

Diola më e dashuruar së kurrë: Për mua Erolldi është mrekullia e 8-të

Lajme të ngjashme

Trajneri Deliallisi konfirmohet në krye të Korabit për sezonin 2025-2026

Trajneri Deliallisi konfirmohet në krye të Korabit për sezonin 2025-2026

by redaktor2
06/24/2025
0

Alfred Deliallisi do të vijojë të drejtojë ekipin e Korabit edhe në sezonin e ri futbollistik 2025-2026. Trajneri 32-vjeçar u...

E kërkon Uganda, në garë edhe Tirana për trajnerin Ditmar Bicaj

E kërkon Uganda, në garë edhe Tirana për trajnerin Ditmar Bicaj

by redaktor2
06/18/2025
0

Pas divorcit me Bledi Shkëmbin, hapen skenarë të rinj për trajnerin e ri që do të drejtojë bardheblutë. Në skenë...

E vlerëson 20 milionë euro! Jo vetëm Lajpcig, gazetari i njohur gjerman zbulon klubin që po monitoron Brojën

E vlerëson 20 milionë euro! Jo vetëm Lajpcig, gazetari i njohur gjerman zbulon klubin që po monitoron Brojën

by redaktor2
06/10/2025
0

Largimi i Armando Brojës nga Çelsi shikohet si diçka e sigurt. Sulmuesi i Kombëtares shqiptare nuk shfaqet në planet e...

Kombëtarja, mbetën jashtë për Serbinë, dy lojtarë rikthehen për ndeshjen me Letoninë

Kombëtarja, mbetën jashtë për Serbinë, dy lojtarë rikthehen për ndeshjen me Letoninë

by redaktor2
06/10/2025
0

Shqipëria luan këtë të martë transfertën e Letonisë. Kuqezinjtë vijnë në këtë sfidë pas barazimit pa gola ndaj Serbisë dhe...

Leave a Reply Cancel reply

Your email address will not be published. Required fields are marked *

Lajmet e fundit

  • Emra dhe foto / Biznesmenët shqiptarë që mbushin Evropën me kokainë nga Ekuadori në Brazil. Nga Erio…
  • Leao i shkruajti modeles shqiptare, ajo zbulon bisedën me sulmuesin e Milanit: Nuk mendoj se…
  • Tryeza mbi sistemin elektroenergjetik/Balluku: Shqipëria është bërë tërheqëse për investimet e huaja…
  • U kap me rreth 1000 litra naftë kontrabandë, arrestohet në flagrancë polici i patrullës në Tropojë
  • SHBA trajnime për prokurorët shqiptarë, zv. shefja e misionit amerikan, Hammond: Krimet kibernetike …
  • Ankorohet për herë të parë në Portin e Durrësit kroçera “National Geographic Orion” – Rama: Linjë pr…
Albaniatimes.net

Albania Times synon të jetë një qasje e re në shërbim të informimit të publikut. Vendosmëria për t’i shërbyer përmes së vërtetës është bazë e punës sonë.

Email: albaniatimes22@gmail.com

© 2022 AlbaniaTimes - Të gjitha të drejtat e rezervuara.

No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive e jona
  • Ekonomi
  • Showbiz
  • Sport
  • Editorial
  • Opinion
  • Kulturë
  • Teknologji

© 2022 AlbaniaTimes - Të gjitha të drejtat e rezervuara.