Një djalë shqiptar i mitur 13-vjeçar në Itali ka telefonuar policinë, duke kërkuar ndihmë, pasi tha se babai po ushtronte dhunë. “Ejani, babai po na dhunon”, ka thënë i mituri në telefon.
Kur karabinierët kanë arritur në adresën e dhënë, kanë gjetur djalin të tronditur dhe të dhunuar.
Policia italiane iu ka dhënë ndihmë fëmijëve dhe gruas së plagosur, pasi babai dyshohet se ka ushtruar dhunë ndaj të gjithë anëtarëve të familjes.
47-vjeçari shqiptar u arrestua, ndërsa gruaja me fëmijët është dërguar në një dhomë, kushtuar viktimave të dhunës.
