Ministri i Brendshëm, Taulant Balla, ka reaguar pas ngjarjes së ndodhur mbrëmjen e djeshme në Vlorë, ku dy punonjës policie u dhunuar nga disa të rinj.
Në një postim në rrjetet sociale, teksa ka ndarë foto të punonjësve të policisë duke patrulluar e monitoruar territorin në tokë a det, Balla shkruan se “kush nuk i bindet urdhrit/thirrjes së ligjshme të policit, ose më rëndë akoma e kundërshton me forcë, guxon ta fyejë, ta agresojë, ta kanosë, ta godasë apo larg qoftë t’i rrezikojë jetën në ushtrim të detyrës apo për shkak të detyrës, duhet të kuptojë se po godet shtetin”.
Më tej, ai shprehet se çdo qytetar që mendon se ka të drejtë ndërsa punonjësi i policisë e ka gabim, e ka gjithë të drejtën dhe mekanizmat ta apelojë vendimin apo urdhrin e punonjësit të policisë në rrugë administrative apo dhe penale.
“Por çdo veprim kundërshtimi me forcë nuk duhet të tolerohet”, shkruan Balla.
