• Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
Writy.
No Result
View All Result

Ministri për Europën dhe Punët e Jashtme, Igli Hasani kandidat për Sekretar të Përgjithshëm të OSBE

07/25/2024
in Politikë, Slider
Ministri për Europën dhe Punët e Jashtme, Igli Hasani kandidat për Sekretar të Përgjithshëm të OSBE
Share on FacebookShare on WhatsappShare on Twitter

Igli Hasani, ministër për Europën dhe Punët e Jashtme, do të kandidojë për Sekretar të Përgjithshëm të OSBE-së. Emri i kryediplomatit shqiptar është propozuar nga qeveria shqiptare. Lajmi është publikuar nga “Security and Human Rights Monitor”, ku theksohet se do të jetë në garë me 4 kandidatë të tjerë: Jan Braathu (Norvegji) – Shef i Misionit të OSBE-së në Serbi; Christophe Kamp (Holandë) – Përfaqësues i Përhershëm i Holandës në OSBE; John MacGregor (Kanada) – Shef i Qendrës së OSBE-së në Ashgabat dhe Marcel Peško (Sllovaki) – Përfaqësues Special i Kryesuesit të OSBE-së, Koordinator i Projektit të OSBE-së në Ukrainë.

https://albaniatimes.net/wp-content/uploads/2025/01/1tnwkf.mp4
Igli Hasani Kandidimi

Profil i Igli Hasanit

Igli Hasani (lindur në Tiranë më 4 Dhjetor 1976) është diplomat, ekspert i sigurisë, dhe prej Shtatorit 2023 mban pozicionin e Ministrit për Evropën dhe Punët e Jashtme të Republikës së Shqipërisë, në qeverinë e Kryeministrit Edi Rama.

Igli Hasani ka përfunduar studimet në Universitetin e Tiranës, në Fakultetin e Shkencave Sociale për Filozofi – Sociologji (BA, 1996 – 2001), si dhe në Fakultetin e Drejtësisë për Ligj (LLB, 2001-2006). Gjithashtu, ka përfunduar Studimet Master (MA) për Marrëdhënie Ndërkombëtare (2006) në Kings College në Londër, në një program në bashkëpunim me Kolegjin Mbretëror të Studimeve të Mbrojtjes së Britanisë së Madhe, një nga Institucionet Arsimore të Mbrojtjes më prestigjioze në botë. Gjatë karrierës profesionale, Igli Hasani ka kryer dhe një sërë kualifikimesh ekzekutive pranë Qendrës Marshall, në Gjermani dhe Shkollës Pasuniversitare Detare të Monterey, në Shtetet e Bashkuara të Amerikës.

Përpara fillimit të detyrës, si Ministër për Evropën dhe Punët e Jashtme, në periudhën Tetor 2021 – Shtator 2023, Igli Hasani ka mbajtur pozicionin e Koordinatorit të OSBE për Çështjet Ekonomiko-Ambientale. Ky ishte pozicioni më i lartë i mbajtur nga një shtetas shqiptar në OSBE, që prej anëtarësimit të Shqipërisë në Organizatë, në vitin 1991.

Igli Hasani iu bashkua trupit diplomatik shqiptar në vitin 2018, si Ambasador i Jashtëzakonshëm dhe Fuqiplotë dhe Përfaqësues i Përhershëm i Republikës së Shqipërisë pranë Organizatave Ndërkombëtare në Vjenë, pozicion që e mbajti deri në Shtator 2021.

Në Dhjetor 2018, Shqipëria mori mbështetjen e vendeve pjesëmarrëse të Organizatës për Siguri dhe Bashkëpunim në Evropë (OSBE), për të drejtuar kryesimin e Organizatës gjatë vitit 2020. Kryesia e OSBE do të ishte hera e parë që Shqipëria do të drejtonte organizatën më të madhe rajonale të sigurisë në botë, duke marrë kështu një përgjegjësi të paprecedentë në diplomacinë shumëpalëshe. Për këtë qëllim, gjatë viteve 2019 – 2021, kur Shqipëria ishte pjesë e trojkës drejtuese të OSBE-së, Ambasadori Hasani drejtoi një ekip ndërkombëtar të përbërë prej më shumë se 40 diplomatësh dhe ekspertësh shqiptarë dhe të huaj, punë e cila kulmoi me Kryesinë Shqiptare të OSBE-së në vitin 2020.

Në një vit tejet të vështirë, të shënjuar nga pandemia globale e COVID-19, Shqipëria, nën drejtimin e Kryeministrit Edi Rama si kryetar i radhës i OSBE, dhe të Ambasadorit Hasani në Vjenë arriti suksese konkrete për Organizatën, që përfshinin vazhdimin e pandërprerë të punimeve në format virtual për herë të parë në histori, si dhe zgjedhjen e 4 pozicioneve drejtuese të OSBE-së.

Gjithashtu, në Ministerialin e Tiranës, i pari i zhvilluar në kushte pandemie dhe në format pothuajse plotësisht virtual dhe pa mundësinë e negociatave direkte, Kryesia shqiptare arriti të siguronte konsensus për miratimin e 11 vendimeve të Këshillit të Ministrave të OSBE, në secilin prej dimensioneve të punës së Organizatës, përkatësisht atë të sigurisë, ekonomik-ambiental, dhe të drejtave të njeriut. Kryesia shqiptare e OSBE u konsiderua gjerësisht si e suksesshme, duke u bërë provë e gatishmërisë së Shqipërisë, e shërbimit të saj diplomatik për detyra të rëndësishme në arenën ndërkombëtare.

Gjatë vitit 2019 dhe në periudhën Janar – Shtator 2021, z. Hasani drejtoi përkatësisht Grupin e Kontaktit të Mesdheut dhe Grupin e Bashkëpunimit të Partnerëve Aziatikë, si dhe bashkëpunoi ngushtë me kryesitë sllovake dhe suedeze të OSBE-së, si pjesë e Trojkës së OSBE-së.

Në periudhën 2001-2018, z. Hasani ka mbajtur pozicione drejtuese në Ministrinë e Mbrojtjes, që përfshijnë ato si: Sekretar i Përgjithshëm (2017-2018); Drejtor i Përgjithshëm për Politikat e Mbrojtjes (2014); Drejtor i NATO-s, BE-së dhe Marrëdhënieve me Jashtë; Drejtor i Përgjithshëm i Shërbimeve Mbështetëse dhe Drejtor Ligjor (2013), si dhe Drejtor i Integrimit Euro-Atlantik dhe Politikës së Mbrojtjes (2008 -2011). Përgjatë viteve 2012-2013, Igli Hasani ka mbajtur postin e Shefit të Departamentit për Siguri dhe Marrëdhënie Ndërkombëtare në Qendrën Kombëtare për Siguri dhe Mbrojtje.

Përpara fillimit të karrierës në fushën e sigurisë dhe më pas diplomacisë, Igli Hasani ka patur një eksperiencë disa-vjeçare në fushën e medias dhe gazetarisë. Ai ka shërbyer si Këshilltar për Politikë dhe Media, i Ministrit të Mbrojtjes (2006-2008) si dhe Drejtor i Shtypit dhe Informacionit në Ministrinë e Mbrojtjes (2004-2006). Gjatë viteve 2001-2003 ai ka qenë zëvendësdrejtor i Shtypit dhe Informacionit në Ministrinë e Mbrojtjes si dhe Shef i Marrëdhënieve me Publikun për Sekretariatin për Refugjatët, në Ministrinë e Pushtetit Lokal dhe Decentralizimit.

Më herët, Igli Hasani ka qenë gazetar dhe redaktor në disa gazeta dhe TV shqiptare, përgjatë viteve 1997-2001. Igli Hasani flet rrjedhshëm anglisht, italisht dhe greqisht.

Related

Tags: Igli HasanikandidatSekretar të Përgjithshëm të OSBE
Previous Post

Rrëmbimi dhe vrasja e Jan Prengës, Gjykata e Lartë kthen çështjen për rigjykim me tjetër trupë gjykuese

Next Post

Opozita kërkoi raportimin e kreut të KLSH në Kuvend, Tabaku: Planet e qeverisë janë ta mbyllin! Duan ta kthejnë në një gjykatë…

Lajme të ngjashme

Tryeza mbi sistemin elektroenergjetik/Balluku: Shqipëria është bërë tërheqëse për investimet e huaja në energjinë e rinovueshme

Tryeza mbi sistemin elektroenergjetik/Balluku: Shqipëria është bërë tërheqëse për investimet e huaja në energjinë e rinovueshme

by redaktor2
06/25/2025
0

Ministrja e Infrastrukturës dhe Energjisë, Belinda Balluku foli për arritjet, sfidat dhe masat e marra për menaxhimin e sezonit turistik,...

U kap me rreth 1000 litra naftë kontrabandë, arrestohet në flagrancë polici i patrullës në Tropojë

U kap me rreth 1000 litra naftë kontrabandë, arrestohet në flagrancë polici i patrullës në Tropojë

by redaktor2
06/25/2025
0

Agjencia e Mbikëqyrjes Policore ka arrestuar në policin Fatbardh Kuçana, pjesë e policisë së Tropojës. Sipas njoftimit të AMP-së, Kuçana...

SHBA trajnime për prokurorët shqiptarë, zv. shefja e misionit amerikan, Hammond: Krimet kibernetike kërcënim për sigurinë kombëtare

SHBA trajnime për prokurorët shqiptarë, zv. shefja e misionit amerikan, Hammond: Krimet kibernetike kërcënim për sigurinë kombëtare

by redaktor2
06/25/2025
0

Në Tiranë u diplomuan pjesëmarrësit e kursit dyditor “Ndërgjegjësimi Kibernetik për Prokurorët”, i organizuar nga Ambasada e SHBA në kuadër...

Ankorohet për herë të parë në Portin e Durrësit kroçera “National Geographic Orion” – Rama: Linjë prestigjioze, sjellë vëmendjen ndërkombëtare

Ankorohet për herë të parë në Portin e Durrësit kroçera “National Geographic Orion” – Rama: Linjë prestigjioze, sjellë vëmendjen ndërkombëtare

by redaktor2
06/25/2025
0

Kroçera “National Geographic Orion” është ankoruar sot për herë të parë në Portin e Durrësit. Përmes një postimi në rrjetin...

Leave a Reply Cancel reply

Your email address will not be published. Required fields are marked *

Lajmet e fundit

  • Leao i shkruajti modeles shqiptare, ajo zbulon bisedën me sulmuesin e Milanit: Nuk mendoj se…
  • Tryeza mbi sistemin elektroenergjetik/Balluku: Shqipëria është bërë tërheqëse për investimet e huaja…
  • U kap me rreth 1000 litra naftë kontrabandë, arrestohet në flagrancë polici i patrullës në Tropojë
  • SHBA trajnime për prokurorët shqiptarë, zv. shefja e misionit amerikan, Hammond: Krimet kibernetike …
  • Ankorohet për herë të parë në Portin e Durrësit kroçera “National Geographic Orion” – Rama: Linjë pr…
  • Merrte para për favorizimin e një subjekti privat, arrestohet punonjësi i OSSH-së në Vlorë, e pëson …
Albaniatimes.net

Albania Times synon të jetë një qasje e re në shërbim të informimit të publikut. Vendosmëria për t’i shërbyer përmes së vërtetës është bazë e punës sonë.

Email: albaniatimes22@gmail.com

© 2022 AlbaniaTimes - Të gjitha të drejtat e rezervuara.

No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive e jona
  • Ekonomi
  • Showbiz
  • Sport
  • Editorial
  • Opinion
  • Kulturë
  • Teknologji

© 2022 AlbaniaTimes - Të gjitha të drejtat e rezervuara.