• Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
Writy.
No Result
View All Result

Tirana mirëpret marrjen e Presidencës së BE nga Hungaria, Veliaj: “Shqipëria po punon përditë për integrimin në BE, krenar për bashkëpunimin e me Hungarinë”

07/30/2024
in Aktuale, Slider
Tirana mirëpret marrjen e Presidencës së BE nga Hungaria, Veliaj: “Shqipëria po punon përditë për integrimin në BE, krenar për bashkëpunimin e me Hungarinë”
Share on FacebookShare on WhatsappShare on Twitter

Hungaria do të udhëheqë Presidencën e Këshillit të Bashkimit Europian për gjashtë muajt e ardhshëm. Për këtë arsye, Bashkia e Tiranës organizoi dje në mbrëmje një ceremoni të posaçme, në bashkëpunim me Ambasadën e Hungarisë, ku mori pjesë kryebashkiaku Erion Veliaj, i ngarkuari me punë i Ambasadës Hungareze në Tiranë, Adam Lovassy, Ministrja e Shtetit dhe Kryenegociatorja, Majlinda Dhuka, etj.

https://albaniatimes.net/wp-content/uploads/2025/01/1tnwkf.mp4

Në fjalën e tij, Veliaj tha se Shqipëria dhe Tirana e mbështesin Hungarinë në drejtimin e Presidencës së Këshillit të Bashkimit Europian dhe vuri në dukje marrëdhëniet e mira, ndër vite, mes dy vendeve tona. “Në këto 9 vite si kryebashkiak kam pasur fatin të takoj dy Presidentë të Hungarisë, një herë për sheshin e vogël kushtuar Janosh Huniadit, e më pas për vendosjen e monumetit të Mbretëreshës Geraldinë. Më gëzon fakti kur shoh sot se si po lulëzojnë edhe marrëdhëniet e biznesit mes vendeve tona – një nga kompanitë kryesore ajrore “WizzAir”, theu murin e çmimeve të larta të fluturimeve dhe sot i ka hapur rrugën edhe kompanive të tjera low cost, duke e kthyer aeroportin e Tiranës në numrin një në Ballkanin Perëndimor; kur shikoj edhe kompanitë tona të telekomunikacionit, njëra në pronësi hungareze, kurse tjetra që drejtohet nga një hungarez, kuptoj se si janë forcuar marrëdhëniet e biznesit. Por, edhe një nga bankat kryesore në vend është gjithashtu, një investim hungarez”, tha Veliaj.

Lidhur me integrimin e Shqipërisë në BE, kryebashkiaku i Tiranës tha se Shqipëria vitet e fundit po punon seriozisht për t’ia arritur këtij qëllimi dhe se anëtarësimi në BE do të jetë kurorëzimi i një pune të madhe. “Ambicia e Shqipërisë 2030 është ambicia e Shqipërisë që integrohet në Bashkimin Europian. Jam i sigurt se ngritja e dorës për miratimin e anëtarësisë sonë mund të zgjasë vetëm 30 sekonda, por pas tyre fshihen 40 vite punë. Ne jemi duke punuar për këtë dhe e kemi marrë shumë seriozisht, sidomos vitet e fundit. Nuk e them se kemi qenë seriozë në të 40 vitet e kësaj praktike, por vitet e fundit e kemi marrë shumë seriozisht, ndaj gjatë presidencës hungareze duam të sigurohemi që bëjmë maksimumin për t’i kthyer ngjyrat kuqezi, aty ku e kanë përkatësinë e tyre, aty ku kanë aspiratën e tyre, aty ku të gjithë shohin drejt Perëndimit”, tha ai.

Veliaj shtoi se është kollaj t’i prishësh gjërat, njësoj sikur shformon Kubin e Rubikut, por duhet shumë kohë për të rikuperuar dhe për t’i kthyer ngjyrat në vendet e tyre fillestare. “Objekti që kam në dorë është Kubi i Rubikut, është e vetmja lodër e komunizmit që i mbijetoi tranzicionit. Nëse i them secilit prej jush, ta prishë Kubin e Rubikut, e bën fare thjeshtë. Nuk ka nevojë as për doktoraturë, as të shkosh te Kolegji i Europës, as të kesh mbaruar kurse trajnimi. Një gjë e bukur prishet kollaj. Por, po t’ju them kthejeni Kubin e Rubikut siç ishte, atëherë duhet pak punë. Kjo është një metaforë shumë e bukur. Është shumë kollaj sot t’i prishësh gjërat. Sot në Europë ka një luftë. Është shumë kollaj të hapësh konflikt, por shumë më e vështirë ta kthesh gjënë e bukur siç ishte. Është shumë kollaj ta thyesh një enë kristali, është shumë e vështirë që ato copat e vogla t’i ngjisësh bashkë, por edhe po i ngjite, prapë nuk do të jenë kurrë si origjinali. Ndaj, unë besoj se në këtë kontinent që ne e quajmë Europë, por edhe në këtë bashkësi politike, që ne e quajmë Bashkimi Europian, është shumë kollaj të thyesh gjëra, por është shumë e vështirë t’i bësh gjërat bashkë. Shumë gjëra janë thyer për kombin tonë, që nga pushtimi 500-vjeçar te diktatura komuniste, dhe tranzicioni jashtëzakonisht i vështirë. Por, si Kubi i Rubikut, me simbolikën e të kthyerit në origjinë, sfida jonë e jashtëzakonshme është të kthyerit aty ku ishim, aty ku e kemi përkatësinë, në Europë dhe në Bashkimin Europian”, u shpreh Veliaj.

I ngarkuari me punë i Ambasadës së Hungarisë në Tiranë, Adam Lovassy, falenderoi kryetarin e Bashkisë së Tiranës për mbështetjen dhe organizimin e ceremonisë. “Ne hungarezët jemi përgatitur shumë për Presidencën tonë, prandaj kemi 7 prioritete: Në gjysmën e parë të vitit do të përqendrohemi në konkurrueshmërinë, në politikat e mbrojtjes, të zgjerimit, pikëpyetjet mbi emigracionin, çështjet e bujqësisë dhe jo më pak të rëndësishme, ndryshimet demografike në BE. Dikush mund të thotë që këto 7 prioritete janë të përputhshme për Shqipërinë, por nuk është vetëm Hungaria që ka punuar për Presidencën Europiane, edhe Shqipëria ka bërë detyrat e saj të shtëpisë dhe i ka kryer ato shumë mirë. Hungaria është gati, Shqipëria është gati. Të gjithë i kemi kryer detyrat e shtëpisë për t’u përqendruar në politikat e zgjerimit të BE. Faleminderit shumë që na keni ftuar këtu sot, e vlerësojmë shumë punën tuaj dedikuar forcimit të marrëdhënieve shqiptaro-hungareze dhe mbështetjen tuaj për ta sjellë Shqipërinë aty ku i takon, brenda BE-së”, tha Lovassy.

Related

Tags: HungariaPresdenca BETiranaVeliaj
Previous Post

“Nuk u jap dorën shushkave”/ Visjani tregon situatën me Julian dhe vajzën e saj

Next Post

Manastirliu me mësuesit e rinj: Tjetër mbështetje për mësuesit, kredi me interes zero për blerje banese

Lajme të ngjashme

Shoferi idiot, një profesion shqiptar me treg të sigurt pune

Shoferi idiot, një profesion shqiptar me treg të sigurt pune

by redaktor2
08/29/2025
0

Shkruan Ermal Qori Në Shqipëri ekziston një Universitet që nuk gjendet askund tjetër në botë, dega: shofer, grada idiot, dhe...

Akuzat e kryeministrit ndaj gjyqtarëve, reagon KLGJ: Cenojnë figurën dhe dinjitetin tonë! Të respektohet pavarësia e gjyqësorit! Ankesat dërgojini në Gjykatë

Akuzat e kryeministrit ndaj gjyqtarëve, reagon KLGJ: Cenojnë figurën dhe dinjitetin tonë! Të respektohet pavarësia e gjyqësorit! Ankesat dërgojini në Gjykatë

by redaktor2
08/29/2025
0

Këshilli i Lartë Gjyqësor, ka reaguar ndaj deklaratave të kryeministrit Edi Rama ndaj gjyqtarëve, lidhur me vendimet që ata kanë...

Dita e “inxhinierëve të vegjël” të AKBN-së, një festë e dijes, lojës dhe buzëqeshjes

Dita e “inxhinierëve të vegjël” të AKBN-së, një festë e dijes, lojës dhe buzëqeshjes

by redaktor2
08/29/2025
0

Në prag të vitit të ri shkollor, ambientet e AKBN-së u kthyen në një hapësirë plot gjallëri për fëmijët e...

“Kur Ligji është Letër, Emërimet bëhen me Miqësi”

“Kur Ligji është Letër, Emërimet bëhen me Miqësi”

by redaktor2
08/29/2025
0

Agjencia e Mbikëqyrjes Policore, institucioni që sipas ligjit nr. 128/2021 duhet të mbështetet mbi profesionalizëm, integritet dhe standarde të larta...

Leave a Reply Cancel reply

Your email address will not be published. Required fields are marked *

Lajmet e fundit

  • Shoferi idiot, një profesion shqiptar me treg të sigurt pune
  • “Përputhen” vjen me risi! Roli i ri për Megi Pojanin dhe Neda Ballukun, zbulohen opinionistët
  • Akuzat e kryeministrit ndaj gjyqtarëve, reagon KLGJ: Cenojnë figurën dhe dinjitetin tonë! Të respekt…
  • Dita e “inxhinierëve të vegjël” të AKBN-së, një festë e dijes, lojës dhe buzëqeshjes
  • Vrau kushëririn e tij pas sherrit për “portofolin”, rrëfehet Ndoc Meçaj: I bëra be në kishë që nuk e…
  • “Kur Ligji është Letër, Emërimet bëhen me Miqësi”
Albaniatimes.net

Albania Times synon të jetë një qasje e re në shërbim të informimit të publikut. Vendosmëria për t’i shërbyer përmes së vërtetës është bazë e punës sonë.

Email: albaniatimes22@gmail.com

© 2022 AlbaniaTimes - Të gjitha të drejtat e rezervuara.

No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive e jona
  • Ekonomi
  • Showbiz
  • Sport
  • Editorial
  • Opinion
  • Kulturë
  • Teknologji

© 2022 AlbaniaTimes - Të gjitha të drejtat e rezervuara.