Ministrja e Bujqësisë dhe Zhvillimit Rural, Anila Denaj mori pjesë në takimin rajonal të zhvilluar në Slloveni, mbi bujqësinë organike.
Me anë të një postimi në rrjetet e saj sociale, Denaj theksoi se në vitin 2023 numri i korporatave të certifikuara organike në Shqipëri ka arritur në 151 subjekte duke shënuar, një rritje prej 9.4% krahasuar me vitin e kaluar.
Postimi i Anila Denaj:
Slloveni | Me partnerë dhe miq nga Sllovenia, Bullgaria dhe Kroacia në një bisedë mbi bujqësinë organike diskutuam mbi mënyrat për të forcuar bashkëpunimin dhe shkëmbimin e praktikave të mira për prodhim të qëndrueshëm. 
Në vitin 2023 numri i korporatave të certifikuara organike në Shqipëri ka arritur në 151 subjekte duke shënuar, një rritje prej 9.4% krahasuar me vitin e kaluar.
Së fundmi kemi kaluar në Këshillin e Ministrave projektligjin “Për prodhimin organik, etiketimin e produkteve organike dhe kontrollin e tyre” i cili organizon rregullat e qarta për produktet organike të prodhuara në Shqipëri 
, sipas standardeve të BE-së.
Zbatimi i këtij projektligji do të ndikojë dhe në rritje të eksporteve të produkteve organike dhe rrjedhimisht përfitime ekonomike për fermerët vendas.
Projektligji: https://bujqesia.gov.al/…/2024/08/Projektligji-final.doc
