Ministri i Financave, Petrit Malaj zhvilloi një takim me Ambasadorin e Italisë në Tiranë, z. Fabrizio Bucci.
Me anë të një postimi në rrjetet e tij sociale, Malaj tregon se gjatë këtij takimi shpreha falënderimin për nënshkrimin e marrëveshjes për pensionet dhe papunësinë, si dhe angazhimin për bashkëpunim të mëtejshëm për sa i përket ekspertizës teknike për harmonizimin dhe përafrimin e legjislacionit tonë me direktivat e Bashkimit Evropian.
Postimi i Petrit Malaj:
Kënaqësi të prisja në një vizitë kortezie Ambasadorin e Italisë në Tiranë, z. Fabrizio Bucci.
Italia vijon të jetë një nga partnerët më të mëdhenj tregtarë të Shqipërisë dhe burimi kryesor i investimeve të huaja direkte në sektorin bankar, energji, prodhim dhe ndërtim.
Gjatë këtij takimi shpreha falënderimin për nënshkrimin e marrëveshjes për pensionet dhe papunësinë, si dhe angazhimin për bashkëpunim të mëtejshëm për sa i përket ekspertizës teknike për harmonizimin dhe përafrimin e legjislacionit tonë me direktivat e Bashkimit Evropian.
