Drejtori i Përgjithshëm i Autoritetit Kombëtar për Sigurinë Kibernetike, Igli Tafa, zhvilloi një takim me Drejtorin e Përgjithshëm Ekzekutiv të Autoritetit Portual të Durrësit, Kreshnik Bajraktari.
Gjatë këtij takimi, vëmendje e veçantë iu kushtua avancimit të teknologjive të sigurisë me qëllim përmirësimin e mbrojtjes ndaj kërcënimeve kibernetike.
Postimi i Autoritetit Kombëtar për Sigurinë Kibernetike:
Drejtori i Përgjithshëm i Autoritetit Kombëtar për Sigurinë Kibernetike, z. Igli Tafa, zhvilloi një 
takim me Drejtorin e Përgjithshëm Ekzekutiv të Autoritetit Portual të Durrësit, z. Kreshnik Bajraktari, ku u diskutua për forcimin e bashkëpunimit mes dy institucioneve, në kuadër të mbrojtjes dhe sigurisë së infrastrukturave kritike të vendit. 
Gjatë këtij takimi, vëmendje e veçantë iu kushtua avancimit të teknologjive 
të sigurisë me qëllim përmirësimin e mbrojtjes ndaj kërcënimeve kibernetike, investimet strategjike të nevojshme për modernizimin e infrastrukturës portuale, si dhe për zhvillimin e trajnimeve të specializuara 
për stafin, duke siguruar kështu një nivel më të lartë të mbrojtjes dhe sigurisë. 
