Drejtori i i Agjencisë Kombëtare të Burimeve Natyrore, Erlind Sulo zhvilloi një takim me dekanin e Fakultetit të Gjeologjisë dhe Minierave në Universitetin Politeknik të Tiranës, Prof. Dr. Shkëlqim Daja.
Me anë të një postimi në rrjetet e tij sociale, Sulo thekson se ky bashkëpunim synon të promovojë zhvillimin e qëndrueshëm dhe inovacionin në sektorin e burimeve natyrore dhe energjisë, si dhe promovimin e programeve prioritare të studimit për studentët.
Postimi i Erlind Sulo:
Drejtori Ekzekutiv i Agjencisë Kombëtare të Burimeve Natyrore, z. Erlind Sulo, zhvilloi një takim me dekanin e Fakultetit të Gjeologjisë dhe Minierave në Universitetin Politeknik të Tiranës, Prof. Dr. Shkëlqim Daja dhe administratorin e këtij universiteti, z. Besmir Ali, për të diskutuar mundësitë e bashkëpunimit mes dy institucioneve.
Ky bashkëpunim synon të promovojë zhvillimin e qëndrueshëm dhe inovacionin në sektorin e burimeve natyrore dhe energjisë, si dhe promovimin e programeve prioritare të studimit për studentët.
Përmes këtij partneriteti synohet që të krijohen projekte të reja që pritet të sjellin përfitime për studentët dhe të rinjtë.
