Teksa partia e vjehrrit të saj po krijon kaos në Kuvend dhe po mobilizon militantët për protestën që do të zhvillohet nesër në orën 18:00, Armina Mevlani nusja e familjes Berisha duket se nuk e vret mendjen shumë.
Ajo ka postuar një video në Instagram duke u relaksuar jashtë Tiranës në një nga hotelet më luksoze në Durrës.
Armina duket se ka tjetër axhendë nga familja Berisha dhe po merret me gjëra më të rëndësishme për të sic është kujdesi për lëkurën.
“Bëra këtë dhomën me kripë që është shumë ‘nice’ dhe disa trajtime për celulitin…”, thotë ndër të tjera Armina.
PD ndërsa publikoi spotin e protestës ku kishin përzgjedhur pamje me incidente të dhunshme nga protestat e mëparshme, tha se protesta do të kërkojë një qeveri teknike si dhe lirimin e Sali Berishës dhe Ervin Salianjit.
