Komisioneri i Bashkimit Europian për Fqinjësinë dhe Zgjerimin, Oliver Varhelyi ka ndarë pamje nga Konferenca e Dytë Ndërqeveritare që po zhvillohet në Luksemburg.
Në një postim në rrjetin social “X”, Varhelyi shprehet se ky është një moment historik për Shqipërinë në procesin e integrimit.
“Shqipëria sapo arriti një moment historik të madh në procesin e saj të integrimit në BE. Në #IGC- në e sotme përgëzojmë vendosmërinë dhe punën e përkushtuar të Shqipërisë. Ndërsa Shqipëria përmbushi reformat e kërkuara, ne jemi në gjendje të hapim Klasterin e Parë – Bazat që na lejojnë të vazhdojmë me grupe të tjera”, shkruan Varhelyi.
