Trajneri i Kukësit, Emiljano Çela, ka dhënë një intervistë ekskluzive për “A Times”, në të cilën analizon ecurinë e deritanishme dhe objektivat që klubi verilindor ka për vijimësinë. Ai u shpreh:
“Ndeshja përballë Kastriotit ishte një sfidë që nuk duhet ta humbisnim në stadiumin tonë. Ndonjëherë në futboll duhet edhe pak fat. Kishim shumë raste flagrante për shënim, por që nuk arritëm t’i finalizonim me sukses. Ndërkohë, kundërshtari me një goditje të vetme në portë arriti të marr 3 pikët.
Kemi një skuadër me moshën mesatare 19 deri 20 vjeç. Janë lojtarë të rinj të frymëzuar nga ëndrra dhe shpresa për të ardhmen dhe karierën e tyre. Kanë nevoj për shumë punë dhe sakrificë. Nëse fokusi i tyre është maksinal, patjetër që dhe rezultatet do të vijnë.
Objektivi i Kukësit është të japi maksimumin, në mënyrë që të grumbullojmë sa më shumë pikë deri në dhjetor. Normalisht që do ta na duhet të ndërhyjmë në merkaton e Janarit, pasi ekipi ka nevojë për përforcime në të gjitha repartet.
Për ne ky do të jetë një kampionat i gjatë dhe shumë i vështirë. Trazicioni brënda skuadrës ishte gati 100%, por dhe strategjia e drejtuesve të rinj patjetër që do kohën e vet. Çdo rezultat na vlen shumë për të rritur besimin, intuitën dhe pjekurin e duhur te lojtarët”, ndër të tjera tekniku Emiljano Çela ka folur edhe për ndeshjen e ardhshme kundër Lushnjes.
“Përballë ekipit të Lushnjes pres autokritik. Pësuam një humbje që na komplikon disi rrugën përpara duke u bazuar dhe në kalendarin e vështir që kemi. Na duhet patjetër të reagojmë dhe triumfi është rruga e vetma”, tha Çela.
