Sezoni i ri televiziv premton emisione të reja dhe figura të njohura që do na shoqërojnë për shumë gjatë.
Por teksa sezoni i ri televiziv ka nisur, Meriton Mjekiqi dhe Ilnisa Agolli, çifti i shumëpërfolur nga “Big Brother Vip Albania” ende nuk kanë zbuluar se ku do i shohim.
Pak javë më parë, u bë e ditur se Meritoni do të sjellë në Top Channel programin e tij ku interviston reperë të ndryshëm, nga i cili ka zbuluar shumë talente të reja të cilët sot janë mjaft të suksesshëm.
Burime për “Vip Magazine” kanë bërë me dije se edhe Ilnisa do të vijë me një projekt personal. Ajo po punon për një podcast, i cili do të transmetohet në valët e Top Albania Radios.
Kujtojmë se Meritoni dhe Ilnisa vijojnë lidhjen e tyre të dashurisë edhe pas daljes nga “Big Brother Vip”, aty dhe ku nisi romanca e tyre shumë e komentuar.
