Deputetja e Partisë së Lirisë Monika Kryemadhi, u shpreh se nuk do të jetë pjesë e aksionit opozitar të Partisë së Lirisë, pasi nuk dëshiron që të krijojë konfuzion duke qenë se kanë qëndrime të ndryshme.
Ajo ka vlerësuar figurën politike të ilir Metës, për të cilin tha se është një gjeni politik që nuk bën kurrë gabime politike, por është tradhtuar nga bashkëpunëtorët e tij.
Kjo sipas saj justifikon edhe nervozizmin dhe agresionin e tij, herë pas here.
“Besoj tek fuqia politike e Metës pavarësisht marrëdhënieve personale. Meta, gjeni politik. Nuk bën gabime politike. Është tradhtuar nga bashkëpunëtorët e tij dhe ka të drejtë që nervozohet e bëhet agresiv. PL ka strukturën e saj dhe do të ristrukturohen e riorganizohen. Nuk dua të përfshihem në aksionin opozitar të PL sepse nuk dua të krijoj konfuzion sepse kemi qëndrime të ndryshme.
Doja të isha më e distancuar. Berisha i arrestuar, Salianji i dënuar, Mediu mbahet nën presion prej kohësh, Meta mbahej nën presion që prej Cez Dia, kontratën e firmosi Dritan Prifti nuk ka firmosur Meta. Meta e çoi në gjykatë Cez-in, pra ishte kundër. E bashkuan me çështjet e mia, për të cilat do t’ju informoj”, tha ajo.
