Rusia goditi me dronë kryeqytetin ukrainas gjatë natës në sulmin e 15-të ajror kundër Kievit këtë muaj, thanë sot zyrtarët e qytetit. Më shumë se 10 dronë u rrëzuan mbi qytet gjatë sulmit, i cili zgjati rreth 4 orë, tha përmes Telegram komandanti ushtarak i qytetit, Serhi Popko.
Ai shtoi se autoritetet nuk kanë marrë raporte për të lënduar dhe se mbeturinat shkaktuan një zjarr që më vonë u shua.
Korrespondentët e Reuters raportuan se shpërthime të shumta u dëgjuan mëngjesin e sotëm.
Në total, mbrojtja ajrore e Ukrainës shkatërroi 36 nga 63 dronët e lëshuar gjatë natës nga Rusia në rajone të ndryshme të Ukrainës, njoftoi Forca Ajrore e Kievit.
Shumica e dronëve u qëlluan mbi rajonet e Kievit dhe Odesës, shtoi ai, ndërsa 16 të tjerë u humbën.
