Evin Salianji, i dënuar me një vit burg për kallëzim të rremë lidhur me çështjen Babale, ka publikuar një video ku shfaqet Albert Veliu, i cili pretendon se ish-deputeti demokrat nuk ka asnjë lidhje dhe se i është rënë në qafë kot.
“Mua Agron Xhafa më ka bërë gol në Itali dhe më ka borxh 300 mijë euro. Unë nuk do flisja se kam bërë një pakt në Prokurori me vëllian e tij, po tani që doli në intervistë, do flas edhe unë. Unë i kam shlyer detyrimet e mia, e ka bërë burgun. Di që Salianjit i ka rënë në qafë, nuk ka lidhje me këtë punë. E gjithë kjo lojë nga ai plehra, Fredi Aliztoi. Ai (Salianji) nuk ka lidhje farë në këtë histori. Çfarë i kam thënë unë është shprehur Aliztoi”, tha Veliu.
I pyetur se kush ia ka dhënë lekët, ai tha: “Ia ka dhënë Fatmir apo Agron Xhafa. Nuk e di unë. I kërkoj ndjesë familjes time po ata më detyrohen 300 mijë euro, më kanë bërë golin me 12 kile në Itali”.
Në reagim Salianji shprehet se edhe njhëherë faktet vijnë para syve të të gjithëve, duke shprehur se miku skafist i familes Xhafaj tregon se e ka regjistruar ai vëllain e ish-ministrit, për pazaret brenda bandës.
“Edhe një herë faktet vijnë para syve të të gjithëve, me kokfortësi. Babale si shok dhe ish-skafist i familjes Xhafaj thote se e ka regjistruar ai vellain e Ministrit, për pazaret brenda bandës, gazetari thotë se e ka investiguar ai rastin, autori i emisionit thotë se ai e ka autorizuar, unë si deputet, por dhe gjithë drejtuesit e Partisë Demokratike deklarojnë që denoncimi ka ardhur në selinë e PD në Tetor, e megjithatë Edi Rama zbuloi se unë kam bërë kallezim të rremë dhe diktoi denimin tim me burg”, shkruan Salianji.
Ndër të tjera demokrati shkruan se ndodhet në burg sepse ka dëmtuar reputacionin e një të dënuari në Itali me 7.4 vite burg për drogë.
“Jam këtu në qelitë e Fierit, për shkak se e kam mundur Ramën në çdo beteje ku më ka dhënë përgjegjësi Partia Demokratike”, shprehet Salianji.
Reagimi i Salianjit:
Ervin Salianji reagon nga burgu i Fierit për deklarimet publike të mikut të Geron Xhafajt
Edhe një herë faktet vijnë para syve të të gjithëve, me kokfortësi. Babale si shok dhe ish-skafist i familjes Xhafaj thote se e ka regjistruar ai vellain e Ministrit, për pazaret brenda bandës, gazetari thotë se e ka investiguar ai rastin, autori i emisionit thotë se ai e ka autorizuar, unë si deputet, por dhe gjithë drejtuesit e Partisë Demokratike deklarojnë që denoncimi ka ardhur në selinë e PD në Tetor, e megjithatë Edi Rama zbuloi se unë kam bërë kallezim të rremë dhe diktoi denimin tim me burg.
Trafikanti i dënuar me 7.4 vite burg nga gjykatat italiane pas një operacioni të DEA Amerikane shkon dhe dorëzohet ditën që unë bej denoncimin, por prokuroria dhe gjykata politike me përbërje ish-përfaqësuesin e PS në KQZ dhe kunatën e zv-kryeministres marrin persipër dënimin me 1 vit burg, pas kallëzimit të trafikantit ndaj meje. Pse? Sepse kam dëmtuar reputacionin e një të denuari në Itali me 7.4 vite burg për drogë, e që po kalonte pushime të gjata jashtë qelie prej mbrojtjes që i jepte vellai me pushtet. Pse? Se kam dashur të rrëzoj qeverinë! E gjitha fabul për publicistikë anti-PD, por karikaturë e shemtuar juridike.
Prova…zero.
Asnjë hetim nga prokuroria, asnjë gjetje, por një farsë ngritur mbi dëshminë e një të dënuari serial si Alizoti, i cili ka telefonuar policinë dhe ka thënë se donte të dënohej vetë me 2 vjet burg. Ajo që ka zbuluar prokuroria është që deshmitari i sajuar Alizoti paguhej nga drejtoret e policisë.
Prokuroria ka zbuluar se zeri i publikuar nga PD është i ngjashem me zerin e Xhafajt dhe këtë e verteton JP French, kompani prestigjoze britanike!
Qartazi nuk kemi të bëjmë me proces ligjor. Inkuizicioni spanjoll ishte më serioz në prova e deshmi.
Jam këtu në qelitë e Fierit, për shkak se e kam mundur Ramën në çdo beteje ku më ka dhënë përgjegjësi Partia Demokratike.
Rama fitoi për momentin se hoqi nga rruga një kundershtar, po shoqeria çfarë mori nga kjo?
A do të donit një vend ku denonet denoncuesi dhe trajtohet si viktimë trafikanti, siç e beri Rama disa here deklarimin publik? A pranohet që në një shoqeri, të denohesh pa ligj? A është e pranueshme që kundershtarin politik që nuk e mund dot me votë dhe as e blen dot, ta eleminosh me forma ekstrapolitike?
A i sherben Shqipërisë, a e ndihmon të ardhmen tonë vendosja e një censure me gjykatë, percaktimi se familjarët e pushtetarëve qenkan të paprekshëm, edhe kur kryejnë krime të rënda.
A është kjo drejtësia e re, shpresa e madhe e qytetarëve, reforma që u pershendet me duartrokitje pas mesnate?
A janë krenarë taksapaguesit e vendeve mike që dhanë miliona euro, kur shohin se vendi ku investuan po kthehet ne sulltanat, ku trilli personal i sunduesit është norma, ligji, kushtetuta?
