Moderatorja e mirënjohur Hygerta Sako, vjen me një “look” të ri, duke befasuar publikun shqiptar dhe veçanërisht fansat e saj.
Për herë të parë bukuroshja e ekranit shqiptar u shfaq në emisionin “Max Sport”, në Euronews Albania me syze.
Në fakt Sako, edhe me këtë ndryshim dukej shumë tërheqëse, duke treguar se edhe pse vitet kalojnë ajo mbetet sërish seksi dhe plot sharm.
“Jam rritur pak në moshë…”, thotë Hygerta duke buzëqeshur.
Gazetari Altin Sulçe e ngacmon sërish: “Jo nuk je rritur në moshë, mbase mos i ke përdorur syzet për të vendosur mikroskopin tek gabimet e kombëtares”.
Më pas në studio ka ilaritet dhe një falenderim nga gazetarja e RTSH-së, për komplimentin.
Megjithatë vëmendjen moderatorja e “Super Gol”, emisionit më të rëndësishëm të kampionatit shqiptar, e tërhoqi me deklaratën e saj, ku kritikoi ashpër trajnerin Silvinjo për rezultatet e fundit.
“Shqipëria për mua bëri një ndeshje për t’u harruar. U fut në fushë me një qasje për të mos e humbur ndeshjen. Nuk e di nëse kjo ishte llogari e trajnerit Silvinjo për të ruajtur veten, apo për llogaritë e grupit, por këtë kuptova nga ndeshja. Kemi shkuar dy herë në finalet e Europianit. Nuk mund të futemi më në fushë si inferior. Nuk duhet të futemi të frikësuar në fushë ‘obobo’ çfarë do të na bëjë Çekia”, tha Hygerta Sako.
