Në Ditën e Rinisë, nuk ka munguar as mesazhi i Ambasadës Amerikane në Tiranë. Në një postim në rrjetet sociale, ambasada e SHBA-së shprehet se rinia e sotme vazhdon të formësojë të ardhmen e Shqipërisë, ndërsa shpreh mbështetjen e Shteteve të Bashkuara drejt anëtarësimit të vendit tonë në BE”.
“Sot, Shqipëria feston Ditën Kombëtare të Rinisë, duke shënuar 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Europës, duke shënuar rënien e tij dhe duke formësuar të ardhmen e kombit. Më 8 dhjetor kujtojmë ata që luftuan për demokraci. Rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE”, shkruan ambasada amerikane.
