Agjencia Kombëtare e Burimeve Natyrore (AKBN) do të përfshijë ekspertët më të mirë në përgatitjen e Udhërrëfyesit të Shqipërisë mbi Potencialin e Lëndëve të Para Kritike dhe Strategjike, një nismë e Misionit të Ekspertëve TAIEX (Asistencë Teknike dhe Shkëmbim Informacioni) dhe EIT Albania që mbështetet nga Ministria e Infrastrukturës dhe Energjisë.
Në Universitetin “Aleksandër Xhuvani”, Elbasan, zhvilluam takimin e parë 5-ditor për përgatitjen e këtij Udhërrëfyesi, i cili do të përfshijë Qendrën Rajonale të Inovacionit “EIT Raw Materials”, Agjencinë Kombëtare të Burimeve Natyrore (AKBN), Shërbimin Gjeologjik Shqiptar (SHGJSH) dhe ekspertë të TAIEX .
Në këtë takim, ekspertë të AKBN-së, Shërbimit Gjeologjik Shqiptar, Shërbimit Gjeologjik të Finlandës dhe Polonisë, si dhe Agjencisë Finlandeze të Sigurisë Kimike, diskutuan rreth gjendjes aktuale të eksplorimit gjeologjik dhe disponueshmërisë së të dhënave në Shqipëri.
