• Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive
  • Showbiz
  • Sport
No Result
View All Result
Writy.
No Result
View All Result

Investimet që kanë transformuar kryeqytetin, Veliaj: “Tirana, nga qytet i izoluar në qendër turizmi; kanë ndryshuar realitetin dhe vlerën e pronës”

01/09/2025
in Aktuale, Slider
Investimet që kanë transformuar kryeqytetin, Veliaj: “Tirana, nga qytet i izoluar në qendër turizmi; kanë ndryshuar realitetin dhe vlerën e pronës”
Share on FacebookShare on WhatsappShare on Twitter

Kryetari i Bashkisë së Tiranës, Erion Veliaj u shpreh sot entuziast për transformimin që do të ndodhë me stadiumin e ri “Selman Stërmasi”. Në aktivitetin për programin “Urat e reja për Shqipërinë 2030”, ku mori pjesë edhe Kryeministri Edi Rama dhe ministri i Ekonomisë, Kulturës dhe Inovacionit, Blendi Gonxhja, Veliaj foli edhe për projektet që kanë transformuar Tiranën në dekadën e fundit. Ai u shpreh se Tirana, dikur një qytet i izoluar, sot ka evoluar në një qendër të rëndësishme të zhvillimit ekonomik dhe turistik, me infrastrukturë moderne dhe hapësira publike të standardeve europiane.

https://albaniatimes.net/wp-content/uploads/2025/01/1tnwkf.mp4

Një simbol i ndryshimit të madh që ka ndodhur në Tiranë, sipas tij është zona që rrethon stadiumin “Selman Stërmasi”. “Kur e filluam këtë detyrë, ky stadium ishte një parkim i madh autobusësh dhe një vend ku shiteshin makina të përdorura. Sot duket si një përrallë nga e kaluara. Ai ishte imazhi ynë në ato kohë dhe ai ishte imazhi që na ishte bërë si rutinë, ishim mësuar me të keqen dhe bashkëjetonim me të shëmtuarën. Por, falë vizionit të Kryeministrit dhe gjithë asaj pune të jashtëzakonshme që është bërë në Tiranë, sot kemi provuar se, nga vendi më i izoluar i Europës, të jemi qendër e turizmit”, tha ai.

Veliaj tha se stadiumi “Selman Stërmasi” është ndërtuar në vitin 1955, si një replikë e stadiumeve sovjetike të kohës. “Përpara se të fillojë histeria, siç fillon për çdo projekt, është shumë e rëndësishme të kuptojmë faktet: cila është vlera arkitekturore? Në qoftë se te ‘Qemal Stafa’ kishin vlerë shkallaret dhe gurët, të cilat arkitekti Marco Casamonti arriti t’i rikthente siç ishin në projektin e ri, sot te stadiumi ‘Selman Stërmasi’ nuk kemi asgjë të kësaj natyre. Por, për të gjithë tifozët e Tiranës dua të sqaroj se ky stadium është pronë e bashkisë, por administrohet nga klubi, i cili ka arritur në përfundimin se fiton më shumë para duke ia dhënë stadiumin për cirk dhe festa birre një kompanie, se sa nëse do ta përdorte edhe për stadium. Klubi i Tiranës sot është më kail të luajë në Lushnje, se sa në Tiranë, pikërisht se ka ai më shumë leverdi për ta trajtuar si një kamping për festat e birrës dhe të qoftes. Nuk jam kundër këtyre, thjesht nuk më duket mënyra më efiçente për të përdorur një stadium”, deklaroi kryebashkiaku.

Ai kujtoi edhe gjendjen ku ishte stadiumi “Qemal Stafa”, para se të transformohej në strukturën e jashtëzakonshme që është sot. “Ishte shndërruar në një gomisteri, ndoshta gomisteria për ndërrim vaji e filtra më i madhe në Republikë. Kurse sot ‘Arena Kombëtare’ është një qendër e madhe IT, ka një stacion të rëndësishëm të radios, restorante, hapësira për median. Ka edhe një fushë të gjelbër ku luhet futboll, por ne shkuam nga koncepti i përdorimit të fushës së futbollit një herë në javë, në një stadium që sot është shopping center dhe ka shumë shërbime të tjera 24/7”, shtoi Veliaj. E njëjta gjë, tha ai, ka ndodhur edhe me zhvillimin e Pazarit të Ri, si një projekt që ka ndryshuar rrënjësisht realitetin dhe vlerën e pronës në atë zonë.

Kryebashkiaku theksoi ndryshimet që kanë ndodhur edhe në ekonominë e qytetit. “Para 10 vitesh zbuluam se në Tiranë, në fillim të qeverisjes së Kryeministrit Rama, 25% e ekonomisë së Tiranës ishte tekstil dhe 25% fasoneri për këpucë. Kjo do të thotë se bënim punë që paguanin shumë pak. Kurse sot 25% e ekonomisë së Tiranës është turizëm dhe 25% është IT”, u shpreh ai. Ky ndryshim, theksoi Veliaj, është një dëshmi e fuqisë transformuese, që investimet dhe politikat e zhvillimit mund të kenë në një qytet dhe vend.

Programi “Urat e reja për Shqipërinë 2030” është një program i ri zhvillimi i pronave publike, për të ndërtuar përmes partneriteteve me sipërmarrjen private vepra të reja të infrastrukturës publike, administrative, turistike, kulturore e sociale.

Related

Tags: investimetTiranaVeliaj
Previous Post

Koçiu: Shtrijmë shërbimet sociale nga Malësia e Madhe në Finiq, 59 bashki përfituese nga Fondi Social në 2025

Next Post

Vizitoi Ervin Salianjin në burg, Berisha tregon se çfarë diskutoi me demokratin: Ai po vuan dënimin për shërbimin e madh dhe të çmuar që i bëri Shqipërisë

Lajme të ngjashme

Minatori humbi jetën në galerinë e Jeton Danit; babai i kandidatit të PS-së: Më lini rehat!

Minatori humbi jetën në galerinë e Jeton Danit; babai i kandidatit të PS-së: Më lini rehat!

by redaktor2
08/06/2025
0

Referuar të dhënave në Regjistrin e Lejeve Minerare, aksidenti ka ndodhur në galeritë e kompanisë “GERTI Shpk”, e cila është...

Polemikat për pallatin e konfiskuar/ Gjyqtari Balliu i përgjigjet Ramës: Nëse ka prova që unë jam i pacipë, duhet t’i tregojë

Polemikat për pallatin e konfiskuar/ Gjyqtari Balliu i përgjigjet Ramës: Nëse ka prova që unë jam i pacipë, duhet t’i tregojë

by redaktor2
08/06/2025
0

Në valën e aksionit për çlirimin e hapësirave publike, kryeministri Edi Rama sulmoi një tjetër zyrtar të sistemit të drejtësisë...

Qeveria përditëson sanksionet ndërkombëtare kundër terrorizmit, reflektohen 4 vendimet e reja të BE-së

Qeveria përditëson sanksionet ndërkombëtare kundër terrorizmit, reflektohen 4 vendimet e reja të BE-së

by redaktor2
08/06/2025
0

Këshilli i Ministrave ka miratuar një vendim të ri që përditëson kuadrin ligjor të masave shtrënguese ndërkombëtare në Shqipëri, duke...

Shumëkatëshi te Ish-Ekspozita bllokon trotuarin dhe mbyll hyrjen e parkimeve nëntokësore

Shumëkatëshi te Ish-Ekspozita bllokon trotuarin dhe mbyll hyrjen e parkimeve nëntokësore

by redaktor2
08/06/2025
0

Një kompani e dyshimtë, me një pasqyarë financiare me zero të ardhura dhe zero shpenzime ka përfituar një leje ndërtimi...

Leave a Reply Cancel reply

Your email address will not be published. Required fields are marked *

Lajmet e fundit

  • Sidnei Suini ndahet nga i fejuari, futbollistët e Premier Ligës e “shpartallojnë” me mesazhe në rrje…
  • Minatori humbi jetën në galerinë e Jeton Danit; babai i kandidatit të PS-së: Më lini rehat!
  • Polemikat për pallatin e konfiskuar/ Gjyqtari Balliu i përgjigjet Ramës: Nëse ka prova që unë jam i …
  • Qeveria përditëson sanksionet ndërkombëtare kundër terrorizmit, reflektohen 4 vendimet e reja të BE-…
  • Shumëkatëshi te Ish-Ekspozita bllokon trotuarin dhe mbyll hyrjen e parkimeve nëntokësore
  • Tifoze e Milanit dhe modele, Jori Delli shfaqet mahnitëse në rrjetet sociale
Albaniatimes.net

Albania Times synon të jetë një qasje e re në shërbim të informimit të publikut. Vendosmëria për t’i shërbyer përmes së vërtetës është bazë e punës sonë.

Email: albaniatimes22@gmail.com

© 2022 AlbaniaTimes - Të gjitha të drejtat e rezervuara.

No Result
View All Result
  • Faqja kryesore
  • Aktuale
  • Politikë
  • Kronikë
  • Sociale
  • Rajoni & Bota
  • Ekskluzive e jona
  • Ekonomi
  • Showbiz
  • Sport
  • Editorial
  • Opinion
  • Kulturë
  • Teknologji

© 2022 AlbaniaTimes - Të gjitha të drejtat e rezervuara.