Bashkëdrejtuesi i fushatës së fundit zgjedhore të Presidentit amerikan Donald Trump, Chris LaCivita, është këshilltari që marrë përsipër fushatën e opozitës shqiptare për zgjedhjet politike të 11 majit.
Chris LaCivita, u prezantua të hënën nga kryetari i Partisë Demokratike Sali Berisha, në prani dhe të drejtuesve dhe përfaqësuesve të partive të tjera opozitare.
Lidhur me këtë zhvillim të rëndësishëm të opozitës ka reaguar edhe Fatmir Mediu.
Përmes një postimi në rrjetin e tij social Facebook, Mediu falënderon Chris LaCivita që prano të drejtojë fushatën e opozitës të kryesuar nga Partia Demokratike.
Ndër të tjera Mediu shkruan se Chris është një nga strategët e fitores së Presidentit Trump, një personalitet i Republikanëve Amerikan me një eksperiencë mbi 30 vjet në fushata të rëndësishme elektorale.
Postimi i plotë:
Falenderim Chris LaCivita që pranove të drejtosh fushatën e opozitës të kryesuar nga Partia Demokratike.
Kënaqësi të punojmë së bashku, për një Shqipëri të Zotit, familjes dhe qytetarëve shqiptar, në mirënjohje të përherëshme për SHBA
Chris është një nga strategët e fitores së Presidentit Trump, një personalitet i Republikanëve Amerikan me një eksperiencë mbi 30 vjet në fushata të rëndësishme elektorale, por padyshim fitorja e fundit e Trump është dhe kulmi karrierës të Chris LaCivita, Toni Fabrizio dhe vecanërishte gruas së hekurt Susie Ëiles tashmë shefja e stafit të Presidentit Trump.
Opozita ka mundësinë me këtë ekip fantastik të shkojë drejt fitores për të ndryshuar Shqipërinë, por kjo kërkon edhe një bashkim opozitar dhe luftë nga cdo anëtar dhe në cdo skaj.
Ky është një moment i rëndësishëm për të rikthyer edhe njëherë fuqishëm marëdhëniet më të mira ndërmjet opozitës dhe SHBA, për një Shqipëri të denjë si vend anëtar i NATOs ku zot janë qytetarët dhe jo krimi e korrupsioni.
Krah nesh kundër manipulimit të zgjedhjeve do të jenë miq tanë në kongresin Amerikan dhe parlamentin Europian.
Shqiptarët meritojnë qeveri që e vendosin vet me votë dhe jo qeveri që del nga votat e manipuluara nga krimi, korrupsioni dhe patronazhistët.
