Një punonjës policie është dhunuar dhe kërcënuar nga dy vëllezër në Pogradec, gjatë kohës që ka qenë jashtë shërbimit.
Policia ka arrestuar dy vëllezërit, 30 dhe 35 vjeç dhe ka nisur hetimet për veprën penale “Goditje për shkak të detyrës”.
Njoftimi i policisë:
Pas marrjes së njoftimit se një punonjës policie jashtë shërbimit është kërcënuar dhe dhunuar nga dy vëllezër, shërbimet e Komisariatit të Policisë Pogradec kanë organizuar punën dhe kanë bërë të mundur kapjen dhe arrestimin në flagrancë të shtetasve D. M., 30 vjeç, dhe E. M., 35 vjeç, (vëllezër), banues në fshatin Buçimas Pogradec.
Materialet procedurale i kaluan Prokurorisë pranë Gjykatës së Shkallës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Goditje për shkak të detyrës”.
