Kreu demokrat Sali Berisha ka pritur në selinë e PD, Steven Bucci, përfaqësues dhe drejtues për Çështjet e Sigurisë në Fondacionin the Heritage Foundation në Shtetet e Bashkuara të Amerikës.
Sipas Berishës, fondacioni ka përgatitur edhe pjesë të programit elektoral dhe qeverisës të Presidentit Trump dhe administratës së re amerikane.
Ish-kryeministri i shprehu falënderime Buccit, për ndihmën që fondacioni po i jep Partisë Demokratike.
Postimi i Berishës:
Të dashur miq,
Sot pata kënaqësinë të prisja në një takim në selinë e Partisë Demokratike mikun e mirë të shqiptarëve Steven Bucci, përfaqësues dhe drejtues për Çështjet e Sigurisë në Fondacionin the Heritage Foundation në Shtetet e Bashkuara të Amerikës.
Fondacioni Heritage ka përgatitur edhe pjesë të programit elektoral dhe qeverisës të Presidentit Trump dhe administratës së re amerikane. E falenderova Z. Bucci për ndihmën e vyer që Fondacioni Heritage po i jep Partisë Demokratike të Shqipërisë në ringritjen e të djathtës shqiptare. Fondacioni Amerikan Heritage vazhdon të japë ekspertizën e tij me rekomandime për programin elektoral të Partisë Demokratike të Shqipërisë dhe është një urë e denjë komunikimi me administratën e Presidentit Donald Trump dhe Kongresin e Shteteve të Bashkuara të Amerikës. Në këtë takim ishin të pranishëm edhe Z. Fatmir Mediu, Kryetar i Partisë Republikane të Shqipërisë, Znj. Edith Harxhi, anëtare e Kryesisë së Partisë Demoratike të Shqipërisë dhe Znj. Diana Mjeshtri, Drejtore Ekzekutive e Albanian Policy Center.
