Ish-prokurori i Krimeve të Rënda, Eugen Beci në një intervistë për Report Tv, ka sqaruar me detaje dhe ka nënvizuar faktin se procesi i hetimit ndaj kryetarit të Bashkisë së Tiranës, Erion Veliaj, është një proces i parregullt që në nisje të tij.
“Nëse ti largohesh nga drejtësia dhe shkon te ndëshkimi mund të kënaqësh momentalisht turmën, por harron që nesër do vijë dita që ky standard i këtij procesi të parregullt ligjor, do ta vuajë vetë në kurriz. Hetimi pasuror fillon në bazë të dyshimeve të bazuara në indicie të kryerjes së veprës penale. Hetimi pasuror nuk ka lidhje me hetimin penal. Nuk qëndron kështu parimi i së drejtës. Parimi i së drejtës është i qartë. Hetimi penal, paraprin hetimin pasuror. E thënë më thjesht. Nëse unë kërkoj që te një person të gjej vepër penale, kjo është e gabuar. Po, për një vepër penale unë do gjej një person. Në rast se ndodh fakti dhe Prokuroria është aty në bazë të kushtetutës për të realizuar procesin e të provuarit të faktit penal se kush e ka kryer. Por prokuroria nuk është aty që të gjejë një person, të targetojë një idivid dhe ta marrë nën hetim dhe të thotë: Unë pa i gjetur një vepër penale këtij personi, nuk e mbyll hetimin. Kjo nuk funksionon. Mënyra e fillimit të hetimit pasuror pastaj të hetimit penal është e padrejtë, mënyra e ndjekjes dhe persekutimit të një personi për t’i gjetur vepër penale është e padrejtë”, u shpreh Beci.
Ndërsa për masën “arrest me burg”, Beci tha se është një masë ekstreme, që nuk duhej marrë në këtë rast. Ai shtoi se SPAK ka krijuar një “inflacion të masave të sigurisë arrest në burg”, duke përdorur këtë masë ekstreme edhe në raste kur nuk është e nevojshme.
“Masa “Arrest me burg” është masa më ekstreme, masa e fundit, kur asnjë nga masat e tjera nuk realizon procesin e grumbullimit të provave dhe individualizimit të autorit apo dhe izolimit të autorit, është “arresti me burg”. Kjo masë është ekstremi i fundit. Për mua si jurist, arresti me burg, është masa më ekstreme për të cilën duhet të mendohesh mirë para se ta caktosh”, vijoi ai.
Beci kritikoi gjithashtu nisjen e hetimeve mbi bazën e një kallëzimi anonim, duke thënë se një denoncim i tillë nuk është i vlefshëm nëse nuk shoqërohet me prova konkrete. Ai shtoi se procedurat hetimore duhet të respektohen në mënyrë rigoroze, përndryshe drejtësia kthehet në një mjet ndëshkimi të padrejtë.
‘Mënyra e fillimit të procesit penal, hetimi pasuror fillon në bazë të dyshimeve të arsyeshme. Hetimi pasuror nuk ka të bëjë me hetimin penal. Parimi i së drejtës hetimi penal paraprin hetimin pasuror. Në rast se unë kërkoj të një person të gjejë vepër penale është e gabuar. Po për një vepër penale ka një person. Prokuroria nuk është të targetojë një person ta marrë në hetim dhe ta dënojë. Ma çfarë kam lexuar, ka filluar me një kallëzim anonim. Me gjithë respektin kallëzimin anonim në rast se shoqërohet me prova, merret në konsideratë. E ka të përcaktuar. Kallëzimi anonim nuk merret. Por në rast se kallëzim anonim të orienton prova konkrete niset hetimi. Mënyra e ndjekjes dhe persekutimit është e padrejtë. Intimidimi i dëshmitarëve nuk është rast t parë Veliaj. Hetues në BKH kanë tejkaluar atë që parashikon kodi. Kanë tejkaluar normat proceduriale. Duhet të jemi të kujdesshëm. Dëshmitari intimidohet me procedurë penale. ka të sanksionuar mënyrën si pyetet dëshmitari. Në rast se nuk tregon të vërtetën ke dëshmi të rreme përballë prokurorit”, tha Beci.
