Kreu i Partisë Demokratike, Sali Berisha, gjatë konferencës me gazetarët, ka përsëritur thirrjen për forcat e tjera politike, duke i ftuar të bëhen pjesë e fronin të gjerë opozitar, për zgjedhjet parlamentare të 11 majit.
Berisha tha se kryetarët e forcave politike dhe drejtuesit e tyre, të mendojnë e pavarësisht nga diferencat, mendimet e ndryshme apo konsiderata që kanë ndaj Sali Berishës, nuk duhet të harrojnë dy gjëra; “se armiku i brendshëm i shqiptarëve e ka emrin Edi Rama dhe ai është pllakosur nga LaCivita si kukulla e George Soros”.
Berisha: I bëj thirrje çdo force politike në Shqipëri, që konsideron Edi Ramën dhe partinë e tij, një rrezik, armik të brendshëm, të bashkohet me opozitën për të shpëtuar Shqipërinë nga ky rrezik i brendshëm, nga ky regjim që po zbraz Shqipërinë në mënyrën më dramatike.
Ndaj, u bëj thirrje kryetarëve të forcave politike dhe drejtuesve të tyre, të mendojnë e pavarësisht nga diferencat, mendimet e ndryshme apo konsiderata që kanë ndaj Sali Berishës, nuk duhet të harrojnë dy gjëra. Se armiku i brendshëm i shqiptarëve, njeri i censurës, i burgosjes së opozitës, i zbrazjes së Shqipërisë, e ka emrin Edi Rama, kukulla e George Soros. Mos të harrojnë se Edi Rama është pllakosur nga LaCivita si kukulla e Soros, çka do të thotë se si i tillë ai është rrezik jo vetëm për Shqipërinë.
Prandaj pres nga kryetarët e forcave politike, drejtuesit, kryesisë së tyre, të bashkohen në frontin e gjerë opozitar në betejën kundër këtij armiku. E tha JD Vance, armiku i brendshëm është ai që arreston opozitën, arreston gazetarë, mbyll rrjete sociale, e ka një emër, është Edi Rama. Prandaj presim me kënaqësi të gjitha forcat politike që nuk janë në këtë lindje linjë. me ato që nuk janë, po gjejmë pikat e mirëkuptimit.
