Kryeministri vijoi sot me bashkëbisedimin me komentuesit e rrjeteve sociale. Duke folur për SPAK, Rama u shpreh se arrestimi i Erion Veliajt ishte i panevojshëm, pasi hetimi për kryebashkiakun mund të vijonte në gjendje të lirë.
Problemet me SPAK mund të adresohen në mënyrë demokratike. Por shton se PS është garante e funksionimit të këtij institucioni, ndryshe nga PD dhe Berisha që duan ta shkrijnë nëse vjen në pushtet.
‘Jam kundër ndalimit të kryetarit të bashkisë, i panevojshëm. Por si mund të ndaloj ekzekutimin. Këtë ndalime ka bërë dikush që vjen vërdallë përditë. Një buf kënete që thotë do shkrij SPAK. Do shkrijë Noc Rrokun. Duam një drejtësi europiane. Ku palët janë të garantuara. Prokurori bën detyrën dhe gjykatësi bën arbitrin. Ku i akuzuari prezumohet jo vetëm me fjalë.’
