Marrëdhënia mes Gjestit dhe Eglit duket se po përjeton një tjetër krizë brenda shtëpisë së Big Brother VIP Albania. Pas disa ulje-ngritjeve, dyshja janë përballur sërish me tensione dhe debate.
Këtë herë ka qenë Gjesti, i cili i ka kërkuar Eglit ta lërë të qetë, duke thënë se po bëhet e bezdisshme. Debati ka ardhur pas disa dyshimeve të Eglit për një letër që ai shkroi për Shën Valentinin, si dhe për një qafore, për të cilën Gjesti pretendon se e ka nga tezja e tij.
Ndërsa po flinin së bashku, artisti i njohur i ka thënë Eglit se e ka lodhur me të njëjtat pyetje të përsëritura. Në një moment, ai madje i kërkoi të mos e kapte për krahu, duke e bërë të qartë se kjo gjë po e shqetësonte.
Mbetet për t’u parë si do të evoluojë raporti i tyre në shtëpi dhe nëse ky debat do të ndikojë në rrugëtimin e tyre në BBVA.
