Sot, në Kuvendin e Shqipërisë, janë emëruar dy salla me emrat e dy figurave të shquara të politikës shqiptare, Bashkim Fino dhe Gerti Bogdani.
Ky akt nderimi u bë për të përkujtuar dhe vlerësuar kontributin e tyre të çmuar në historinë politike dhe shoqërore të vendit. Elisa Spiropali, kryetare parlamenti, theksoi se Bashkim Fino dhe Gerti Bogdani ishin politikanë modelë që dhuruan shumë për Shqipërinë.
Spiropali vuri në dukje se Fino ka drejtuar vendin gjatë periudhës më të vështirë, duke kontribuar në hartimin e disa prej reformave më të rëndësishme, ndërsa Bogdani ishte një lider i respektuar, i cili dha një kontribut të jashtëzakonshëm për shoqërinë shqiptare.
Elisa Spiropali: Bashkim Fino dhe Gerti Bogdani ishin politikanë modelë. Kjo ishte arsyeja pse sallat po emërohen me emrat e tyre. Bashkim Fino ishte kryeministër në periudhën më të vështirë të vendit.
Ka kontribuar në hartimin e disa prej reformave më të rëndësishme në vend. Gerti Bogdani ishte drejtues i respektuar, që dha kontribut të çmuar për shoqërinë shqiptare.
Fjala e Spiropalit:
Të nderuar deputetë,
Sot, para nisjes së seancës plenare, nderuam kontributin e dy politikanëve e parlamentarëve të shquar të Shqipërisë, të cilët janë ndarë nga jeta para kohe, Bashkim Fino dhe Gerti Bogdani, duke emërtuar dy salla, këtu në mjediset e Sallës së seancave, me emrat e tyre.
Në sallë janë familjarët e Bashkimit dhe Gertit, të cilët i përshëndes ngrohtësisht në emrin tuaj.
Bashkim Fino dhe Gerti Bogdani ishin dy politikanë aktivë dhe me integritet të lart, prindër, bashkëshortë, bij dhe vëllezër model, që frymëzojnë me kontributin, dashurinë dhe miqësinë që na kanë dhënë të gjithëve ne.
Ishte kjo arsyeja e vendimit për të emërtuar këto dy salla me emrat e tyre.
Bashkim Fino ishte një politikan që është dalluar për urtësinë, energjitë dhe përkushtimin në shërbimin ndaj vendit.
Kryeministër i Shqipërisë gjatë periudhës më të vështirë të tranzicionit, në vitin 1997. Disa herë ministër, zëvendëskryeministër dhe deputet i Partisë Socialiste në të gjitha legjislaturat që nga zgjedhjet e korrikut 1997 deri në zgjedhjet e 2017.
Si deputet ka kontribuar në hartimin e disa prej reformave më të rëndësishme në vend.
Gerti Bogdani ishte një ndër politikanët më të rinj dhe më të talentuar të Shqipërisë. Një drejtues i respektuar dhe i kudogjendur në qeverisjen vendore në Tiranë. Deputet i Kuvendit në dy legjislatura, 2009-2017 për Partinë Demokratike që i dha dinjtet e hijeshi Kuvendit me figurën dhe përfaqësimin ekselent.
I njohur ndërkombëtarisht për kontributin politik dhe vlerat që mishëroi dhe jetërsoi në veprimtarinë e tij politike në shërbim të vendit.
Respekt, nderim e mirënjohje për emrin dhe kontributin e tyre.
