Gjatë vizitës në Panairin e Punës që u organizua këtë të diel në kryeqytetin grek Athinë, kryeministri Edi Rama u ndal në stendën e kompanisë “Intermedica”, ku u njoh nga afër me kërkesat e këtij subjekti të biznesit, për përthitjen e fuqisë punëtore.
Në bisedën me sipërmarrësin Vasil Llajo, Rama u njoh me nivelin e pagave të cilat sipas Llajos variojnë nga 800 euro më i ulëti në 3500 euro maksimale.
“Pagat i kemi ndarë me kategori pasi na intereson ti kemi të interesuar punonjësit. Ne ecim me parimin “fiton kompania, fiton punonjësi”, u shpreh sipërmarrësi Vasil Llajo.
Kryeministri Rama evidentoi taksat më të larta në Greqi, në raport me Shqipërinë, që sipas tij, nuk ka më ulje të tyre,
“Ne nuk kemi ku i çojmë më të ulëta, por në Greqi taksat janë më të larta”, tha Rama.
Sipërmarrësi Vasil Llajo tha se “Intermedica” me 350 bashkëpunëtorë të punësuar në 40 filiale të hapura në të gjithë Shqipërinë dhe me filial në Kosovë dhe Greqi, ka nevojë për punonjës.
“Pagat i kemi pak më mirë se në Greqi. Minimalja shkon në 800 euro, maksimalja 3500 euro, dhe në fund të vitit japim dhe bonus për performancën.
Konrektisht: inxhinierët e IT, mjekët që kryejnë analizat laboratorike. E veçanta është se “Intermedica” ka instaluar aparaturat sipas parametrave të BE-së. Kjo na ndihmon që implementimi i punonjësve shkencorë mjekësore të jetë i lehtë në Shqipëri për arsye se realizimi i programeve që kemi, ndërlidhja e40 filialeve bëhet përmes programeve në përputhjeme standardet eBE dhe mjekësisë.
