Drejtuesi politik i PD i qarkut Lezhë, Agron Gjekmarkaj ka prezantuar në zonën e Kthellës, kandidatin e PD në listat e hapura për zgjedhjet e 11 majit, Aleksandër Lala. Gjatë fjalës së tij, Gjekmarkaj tha se Kthella, Perlati dhe mbarë Mirdita do të ketë vëmendjen e PD.
Sipas tij, Mirdita, një vend që dikur gumëzhinte nga jeta, po zbrazet frikshëm si shumë zona të tjera.
“Po ikin të rinjtë, po mbyllen shtëpitë, po shuhet një histori krenare sepse shteti ka harruar Kthellën dhe Mirditën! Por ne nuk do ta pranojmë këtë harresë!
Unë nuk kam ardhur t’ju premtoj mrekulli, por ju jap një fjalë: Zëri juaj nuk do të heshtë më! Bashkë do të ngrihemi, bashkë do ta ndryshojmë këtë realitet, programi i PD, e garanton këtë! Pensione, rroga e infrastrukturë ! PD e mban fjalën, Sali Berisha e mban fjalën”, tha Gjekmarkaj.
