Kryeministri Edi Rama ka ndarë një video ironike në rrjete sociale, ku ka mbledhur bashkë të gjitha deklaratat e Sali Berishës dhe Gazment Bardhit, të cilët dikur sulmonin njëri-tjetrin ndërsa tani janë bashkëpunëtorë të ngushtë në politikë.
Në një prej momenteve, Bardhi dëgjohet duke thënë se do të tërhiqet nga politika nëse Berisha rikthehet në krye të PD, duke e cilësuar si jo e ardhmja e partisë, ndërsa ky i fundit nuk kursen akuzat ndaj tij.
“Nëse zoti Berisha do të jetë kryetari i PD, unë mbyll karrierën time politike. Gazmend Bardhi tërhiqet nga politika aktive. I qëndron kësaj? Absolutisht i qëndroj.”, dëgjohet Bardhi në video, një sekuencë e shkëputur në një intervistë televizive e tij, që aktualisht është kreu i Grupit Parlamentar të PD.
