Kryetari i Bashkisë së Tiranës Erion Veliaj, ka publikuar një video dedikuar hapësirave kulturore të kryeqytetit, duke bërë një krahasim me dhjetë vite më parë. Sipas Veliajt, Tiranës i është dhënë një dimension i ri me zhvillimin e hapësirave të artit dhe kulturës, të cilat janë kthyer në pika kyçe. Bëhet fjalë për projekte si Instalacioni “Reja”; Shtëpia Studio Kadare & Agolli; “GAT”- Tirana Art Gallery.
“Kur qytetarët na besuan detyrën për të drejtuar Tiranën 10 vjet më parë, qyteti vuante nga mungesa e eventeve kulturore apo hapësirave kushtuar artit. Më kujtohet kur sollëm në Tiranë instalacionin “Reja” të Sou Fujimotos, që u prit me dyshim nga disa që nuk kanë vënë një tullë në qytet, por ai instalacion unik solli një mënyrë të re ndërveprimi mes qytetarëve dhe artit publik – një vend takimi dhe reflektimi. Po ashtu, Shtëpia Studio Kadare-Agolli, një hapësirë e shenjtë për t’u njohur me dy kolosë të letrave shqipe, tashmë është kthyer në një destinacion frymëzimi për brezat e rinj; apo Galeria e Artit e Tiranës, e restauruar, si një dimension i ri i ekspozimit të artit bashkëkohor dhe klasik shqiptar. Kaq shumë punë për ta bërë Tiranën sot Kryeqytetin Mesdhetar të Kulturës dhe Dialogut– një titull për të cilin jam krenar e mirënjohës.”, shkruan Veliaj.
https://www.facebook.com/share/v/1CiuBmNgF9/?mibextid=wwXIfr
