Dea Mishel ka dhënë në një deklaratë teksa ishte e ftuar në ‘T7+’, ku ka folur hapur për përjetimet e saj pas daljes nga reality show ‘Big Brother VIP Albania’ dhe për mënyrën si është trajtuar nga publiku dhe disa individë.
“Njerëzit kanë qenë të padrejtë me mua, më kanë sulmuar dhe kot, vetëm sepse ishim kundërshtarë në një lojë”, tha ajo, duke vënë në dukje se shpesh perceptimet janë krijuar gabim vetëm për shkak të pozicionimit të saj në një format televiziv.
Pavarësisht kësaj, Dea thekson se nuk mban inate dhe se është një person social: “Unë nuk mbaj inate, harroj se për çfarë jam zënë. Kush do të ketë shoqëri me mua, unë mbaj”. Ajo ka theksuar gjithashtu se mban marrëdhënie të mira me shumë persona të njohur nga formate të mëparshme si Jori, Olta, Efi dhe Beniada.
Duke mbyllur deklaratën e saj, Dea nënvizoi: “Unë dua të shoh më të mirën tek njerëzit”.
Kujtojmë se Dea ka pasur përplasje të shumta me Luiz Ejllin, gjatë kohës kur ishte pjesë e ‘BBVA’.
