Kryetari i Bashkisë së Tiranës Erion Veliaj përmes një postimi në rrjetet sociale ka sjellë në vëmendje situatën tek ish-stacioni i trenit para investimit për ndërtimin e Bulevardit të Ri. Ai shprehet se ata të cilët ishin në detyrë më herët kishin ngulur vetëm një tabelë. Veliaj shton se u rikuperuan 4 vitet e humbura kot prej gjumit dhe u arrit që të transformohej një hapësirë e jashtëzakonshme e qytetit me një super projekt.
Kryebashkiaku Veliaj thotë se sot po kuptohet se sa i nevojshëm ishte zgjatimi i Tiranës drejt Bulevardit të Ri dhe se sa i rëndësishëm ishte vendimi për të zhvilluar këtë zonë të qytetit duke planifikuar të ndërtohen aty edhe zyrat e administratës së Bashkisë së Tiranës, muze apo salla koncertesh.
“Më kujtohet dita kur nisëm punë për Bulevardin e Ri dhe në hyrje të tij, tek ish Stacioni i Trenit, gjetëm vetëm një tabelë. Në 4 vjet, ata që ishin para nesh në detyrë, aq punë kishin bërë: kishin ngulur një tabelë. 🚏
8 vjet më vonë, pas një pune të përditshme, të bërë me përkushtim e pasion, jo vetëm rikuperuam 4 vitet e humbura kot prej gjumit 💤, arritëm që të transformojmë një hapësirë të jashtëzakonshme të qytetit, me një super projekt, i cili që tani ka krijuar boshtin e asaj që nesër do të quhet Tirana e së ardhmes. Prej disa kohësh në këtë zonë po ndërtohet Tirana e Re, ajo e fin-tech, me biznese, zyra, institucione të rëndësishme e banka, të cilat po vendosen në Bulevardin e Ri, si zona më mikluese për të investuar. 🥰
Sot po e kuptojmë se sa i nevojshëm ishte zgjatimi i Tiranës drejt Bulevardit të Ri dhe se sa i rëndësishëm ishte vendimi për ta zhvilluar këtë zonë të qytetit, e sidomos duke planifikuar të ndërtojmë aty edhe zyrat e administratës së Bashkisë së Tiranës, muze apo salla koncertes, si një mënyrë për t’i dhënë akoma më shumë jetë.
E s’kam si ta fsheh kënaqësinë se me ndihmën e Fondit të Katarit, në fund të bulevardit do të kemi edhe një shesh fundor, një tjetër super projekt për qytetarët, i cili do të jetë edhe xhevahiri i Tiranës së 100 viteve të ardhshme 🤝🏻❤️”, shkruan Veliaj.
https://www.facebook.com/share/p/16KN5r9dik/?mibextid=wwXIfr
