Komisionerja për Zgjerimin në Bashkimin Evropian, Marta Kos shprehet se unioni mbështet integrimin e vendeve të Ballkanit Perëndimor.
Me anë të një postimi në rrjetet sociale, Kos shkruan se integrimi ishte mesazhi që dhanë ministrat e Jashtëm të vendeve të BE.
Sipas saj, zgjerimi mbetet mjeti më i mirë për të arritur këtë qëllim politik dhe të sigurisë.
“BE-ja mbështet integrimin e vendeve të Ballkanit Perëndimor. Ky ishte mesazhi i qartë nga diskutimet e sotme të Këshillit të Punëve të Jashtme me ministrat e rajonit dhe vendeve anëtare të BE-së. Zgjerimi mbetet mjeti ynë më i mirë për të arritur këtë qëllim politik dhe të sigurisë”, shkruan Marta Kos.
