rokuroria ka nisur hetimet për keqpërdorimin e burimeve shtetërore nga Partia Socialiste në qarkun e Fierit, me dyshimet se janë përdorur për qëllime elektorale.
Në reagimin e tij, drejtuesi politik i PD në Fier, Gazment Bardhi, e cilëson këtë një hap pozitiv, por të pamjaftueshëm. Ai akuzon PS-në e Fierit si një “grup të strukturuar kriminal” me në krye Belinda Ballukun dhe kërkon që çështja t’i kalojë SPAK-ut për hetim të thelluar dhe të shpejtë.
Postimi i drejtuesit të PD të qarkut të Fierit, Gazment Bardhi:
Nisja e hetimeve për keqpërdorimin e burimeve shtetërore për fushatë elektorale është pozitive dhe meriton vlerësim, por është e pamjaftueshme! Në hetimin e krimeve zgjedhore është domosdoshmëri shpejtësia në hetime dhe vënia në kohë para përgjegjësisë e shkelësve të ligjit.
Ne presim që ligji të veprojë ndaj bandës elektorale të Belinda Ballukut në qarkun Fier, dhe çështje të kësaj natyre duhet ti kalojnë për kompetencë SPAK për shkak se jemi përpara një grupi të strukturuar kriminal, me role të qarta dhe të mirëpërcaktuara, me në krye Belinda Ballukun. Faktet për këtë janë evidente, mjafton vullneti që prokurorët të bëjnë punën e tyre pa vonesa dhe pa hezitim!
Prej muajsh tashmë qindra punonjës të administratës publike nën varësinë e Belinda Ballukut kanë pushtuar si bandë qarkun e Fierit, duke braktisur detyrën shtetërore dhe duke ushtruar presion apo ofruar favore në këmbim të votave. Refuzimi masiv i qytetarëve i ka bërë edhe më arrogant, edhe më qesharak, edhe më të papërgjegjshëm, duke lënë gjurmë të krimeve të tyre kudo.
Një pjesë e tyre në mënyrë fiktive janë bërë edhe “banor” të qarkut Fier, në zonat që drejtuesja e bandës i ka lënë nën përgjegjësi. Janë këta individë endacak që i japin urdhrat e paligjshëm ndaj punonjësve të administratës në Fier, janë këta që urdhërojnë strukturat e PS të angazhohen në krime elektorale, janë këta individë që terrorizojnë bizneset.
Fatmirësisht ata janë të gjithë të identifikuar me emër e mbiemër si shkelës të ligjit, dhe qytetarët e qarkut Fier e kanë të qartë se si çdo endacak ato janë individë me kohë skadence në 11 Maj dhe në 12 në mëngjes kthehen në Tiranë për tu bërë gati për të shkuar atje ku e ka vendin çdo shkelës i ligjit.
Prandaj më 11 Maj qytetarët e qarkut Fier e kanë të qartë se çfarë do të bëjnë, nuk do t’i nënshtrohen presionit dhe do të votojnë për ndryshimin për mirë të Shqipërisë, duke mbështetur alternativën e shkëlqyër ekonomike të Partisë Demokratike. ✅1️⃣🇦🇱
