Prej disa kohësh këngëtari i njohur Butrint Imeri dhe modelja turke Sezen Cifcioglu po shijonin një romancë dashurie. Dyshja e bënë të ditur lajmin përmes postimeve në rrjetet sociale ku shfaqeshin më të dashuruar se kurrë. Mirëpo së fundmi duket se çifti i kanë dhënë fund romancës së tyre të shkurtër, pasi modelja ka fshirë në profilin e saj fotot me Butrintin si edhe ata nuk ndiqen më në rrjetet sociale.
Teksa Sezen është pyetur për fotot e fshira dhe heqjen e follow-t, modelja ka pretenduar se romanca mes tyre ka qenë një lajm i rremë dhe se ata të dy kanë qenë vetëm shokë. “Lajmi është i rremë dhe personi në fotot e mija është shoku im. Unë nuk e meritoj të përflitem në këtë mënyrë. Nuk kam qenë e lidhur me Butrintin” është përgjigjur modelja për ZoneVip. Ndër të tjera Sezen është shprehur se ata nuk janë më shokë prandaj edhe nuk ndiqen më në rrjetet sociale.
“Ne nuk jemi më shokë, ai ka qenë me njerëz të tjerë gjatë gjithë kësaj periudhe”,- shton ajo. Por duket se historia mes dyshes është më e komplikuar sesa duhet. Pasi çifti shijoi disa ditë pushimesh si në borë ashtu edhe plazh, ka ardhur ndarja, ku shkak dyshohet se është bërë tradhtia e këngëtarit.
Butrinti ka pasur një flirt me një vajzë, çfarë edhe është marrë vesh nga modelja turke, duke sjellë menjëherë ndarjen e çiftit. Një ndarje kjo që ka qenë konfliktuale mes tyre. Nuk dihet ende se cila është vajza me të cilën Butrinti tradhtoi Sezen, por ajo që dihet me siguri është fakti se çifti është ndarë pas një sherri të madh.
Nga Alpet e Zvicrës, çifti i ri i shobizit u arratisur në një tjetër kontinent. Ata u ndodhën në Amerikën Latine dhe shijuan temperaturat e larta në bregdetin e qytetit meksikan, Tulum. Këngëtari i njohur shqiptar, Butrint Imeri, u përfol muajin e shkuar për një lidhje të me modelen turke. Dyshja u kap mat në një resort luksoz me borë, duke nxitur spekulime mbi një histori të re dashurie.
Fotot dhe videot e tyre janë bërë virale në rrjetet sociale, ku shfaqen të afërt dhe duke shijuar kohën së bashku. Edhe pse as Butrinti dhe as Sezen nuk kanë bërë një deklaratë zyrtare, ndjekësit vunë re se ata po publikojnë postime nga i njëjti vend, duke lënë të kuptohet se po kalojnë pushimet bashkë. Sezen Cifcioglu është një modele shumë e ndjekur në Turqi, e njohur për paraqitjet e saj glamuroze dhe për praninë e fortë në rrjetet sociale. Ajo ka bashkëpunuar me marka të njohura të modës dhe shpesh shfaqet në evente të rëndësishme.
Ndërkohë, Butrinti njihet jo vetëm për hitet e tij muzikore, por edhe për jetën e tij private, e cila gjithmonë tërheq vëmendjen e fansave dhe mediave. Burime pranë dyshes tregojnë se ata janë takuar disa muaj më parë gjatë një eventi në Stamboll dhe që atëherë kanë mbajtur kontakte të afërta. Pavarësisht spekulimeve, Butrinti është treguar gjithmonë i rezervuar për jetën e tij sentimentale, duke mos e konfirmuar asnjëherë publikisht një lidhje derisa të jetë gati ta ndajë me publikun.
Pushimet e tyre në një resort me borë janë parë nga disa si një konfirmim i heshtur i romancës. Në videot e publikuara në rrjetet sociale, ata shfaqen duke bërë ski dhe duke shijuar peizazhin dimëror, ndërsa në një moment të veçantë, Sezen shihet duke dëgjuar këngën e fundit të Butrintit, duke i shtuar më shumë dyshimet se mes tyre ka diçka më shumë se miqësi. Fansat kanë shpërthyer në komente, ku disa urojnë Butrintin për këtë lidhje të mundshme, ndërsa të tjerë spekulojnë nëse kjo është thjesht një miqësi apo një marrëdhënie më serioze. Në të kaluarën, Butrinti është lidhur me disa emra të njohur të showbiz-it shqiptar, por kurrë nuk ka pranuar publikisht ndonjë lidhje afatgjatë.
A do të jetë Sezen ajo që do ta bëjë këngëtarin të ndryshojë mendje dhe ta konfirmojë dashurinë e tij? Mbetet për t’u parë në ditët në vijim nëse do të ketë ndonjë reagim nga vetë çifti. Deri atëherë, fansat vazhdojnë të ndjekin çdo lëvizje të tyre me kureshtje të madhe. E tashmë, çifti është duke shijuar edhe disa ditë të nxehta në Meksikë, ku fotot dhe videot në rrjetet sociale nuk kanë të ndalur.
Duket se më në fund, këngëtari kishte gjetur dashurinë, madje aq sa e ka çuar tashmë edhe në shtëpinë e tij. Vetë modelja turke, publikoi disa ditë më parë foto nga Kosova, duke zbuluar kështu se tashmë kjo histori dashurie është konsoliduar dhe se tashmë ajo është prezantuar edhe me familjarët e këngëtarit të njohur. Por e gjithë kjo histori është mbyllur më shpejt sesa mendohej, për shkak të tradhtisë, ndaj edhe tashmë vetëm mes tyre mbeten vetëm kujtimet.
