Ekipi U11 i Akademisë Triumf, ka fituar turneun Yes Cup në Milano të Italisë duke mundur në finale gjigandët anglezë të Queens Park Rangers pas një paraqitje të shkëlqyer.
Eventi nisi në 17 prill, dhe ceremonia e hapjes u zhvillua në tempullin e futbollit botëror, në stadiumin San Siro, ndërsa përfundoi këtë të diel.
Ekipi i drejtuar me pasion nga trajneri Mateo Metaj shfaqi vlerat që në ditën e parë të aktivitetit duke fituar 2 ndeshjet e para me rezultatin e thellë 12-3 përballë zviceranëve të SV Muttenz dhe më pas 9-0 kundër italianë të Arese.
Në ndeshjen tjetër skuadra shqiptar mundi italianët e Bagese dhe u kualifikua si e para e grupit në gjysmëfinale, ku u përballë me italianët e Cisanese, favorit për trofeun. Ndeshja u vendos nga penalltitë, pasi koha e rregullt u mbyll 4-4.
Në finale 11-vjeçarët e Triumph befasuan ekipin anglez të QPR, duke fituar me shifrat 4-1 pas një ndeshje emocionuese, ku realizuan nga dy gola për çdo pjesë.
Pas vërshëllimës së trefishtë të arbitrit festa ishte e gjitha për ekipin shqiptar që u shpall kampion i i turneut dhe solli kupën në Tiranë.
Kjo është kupa e tretë brenda 4 muajsh për Triumph U11, të cilët në nëntor fituan trofeun PAS Janina në Greqi dhe kampionatin e parë të Futsal në fillim të vitit.
Çudia e listës së Silvinjos, Kombëtares i mungojnë dy nga lojtarët me çmimin më të madh në treg
Lista e Kombëtares së Shqipërisë për ndeshjet e marsit u publikua këtë të hënë. Silvinjo do të drejtojë skuadrën në...
