Pas përfundimit të “Big Brother VIP 4”, Valbona Mhilli ka folur për herë të parë në një intervistë të plotë rreth marrëdhënies me Jozefin Markun dhe situatave të bujshme që shoqëruan qëndrimin e tyre në shtëpinë më të komentuar në Shqipëri. Në një paraqitje në emisionin “Në shtëpinë tonë” në Top Channel, Valbona u përball me pyetjen që shumë fansa kishin: a ka komunikuar me Jozin pas finales së reality show-t?
“Valbona kjo është – rrezikon për njerëzit që do. Nuk jam penduar për asgjë që kam bërë në atë shtëpi,” – u shpreh ajo, duke nënvizuar se vendimi për të thyer kutinë e emergjencës dhe rikthyer Jozin ishte një akt i vetëdijshëm dhe i bazuar tek besimi.
Veprimi i saj në atë kohë, që konsiderohej i rrezikshëm dhe emocionalisht i fortë, u justifikua nga vetë Valbona me fjalët: “E kam si vëlla, është shok i vëllezërve të mi.” Megjithatë, pas daljes nga formati, marrëdhënia mes tyre duket se nuk ka vijuar jashtë shtëpisë.
“Unë di që ai është mirë, por nuk kemi pasur kontakt. Ajo që ndodhi në spektakël është një përgjegjësi personale e tij, dhe e kam dënuar me reagimin tim publik,” – shtoi ajo, duke dhënë të kuptohet se ndonëse ka pasur afërsi në shtëpi, distanca është krijuar më pas.
