Zall-Bastar, 2 Maj 2025 – Kandidati për deputet në zgjedhjet parlamentare të 11 majit, Abas Tafa, zhvilloi një takim përzemërt me banorë të Bastarit të Mesëm, ku u mirëprit me dashamirësi dhe respekt nga komuniteti lokal. Takimi u zhvillua në një ambient tradicional, mes diskutimesh për të shkuarën, të tashmen dhe të ardhmen e zonës.
Gjatë fjalës së tij, Tafa theksoi lidhjen e tij të pazgjidhshme me vendlindjen:
“Jam biri juaj. Këtu kam lindur, jam rritur dhe do të vdes me ju. Kam qenë gjithmonë pranë njerëzve të mi, nga cepi në cep të fshatrave të Njësisë Administrative të kësaj zone.”
Ai shtoi se gjatë gjithë viteve, pa u lodhur, ka qenë aty ku ka pasur nevojë:
“Sa herë ka pasur mundësi, Tafa është gjendur pranë jush – kudo dhe në çdo rast.”
Banorët shprehën vlerësimin për përkushtimin e pandërprerë të Tafës, duke e cilësuar si një përfaqësues të denjë, që nuk është shkëputur kurrë nga hallet dhe nevojat e komunitetit.
Ky takim ishte pjesë e fushatës së tij për zgjedhjet parlamentare të 11 majit, ku Abas Tafa angazhohet për një përfaqësim të ndershëm dhe të zëshëm në Kuvendin e Shqipërisë.
