Vllaznia ka arritur të fitojë ndaj Dinamos në shifrat 2-1. Shkodranët kanë arritur në finalen e Final Four, ndërsa tani do të presin çiftin Egnatia-Partizani, për të parë se më kë do të ndeshen në fund. Në emisionin “Max Sport”, gazetari Drilon Xhepollari ka marrë një intervistë live nga Air Albania me artistin e madh të Shkodrës dhe Shqipërisë, Besnik Cinarin.
“E pamë me qef ndeshjen, fituam, kemi humbur boll, ka ardhur dita ta marrë Vllaznia tani dhe të gëzojë një krahinë të gjithë si Shkodra. Ndikon normal edhe atmosfera, që e përkrahin shumë futbollin, se të jetë si Dinamo, që ka thënë njëri, aq sa tifozë ka Dinamo ne çojmë krushq në dasëm”, tha Cinari.
