Në mbrëmjen e 13 majit 2025, Shqipëria do të ngjitet në skenën e një prej eventeve muzikore më të mëdha dhe më të ndjekura në botë, Eurovision, i cili këtë vit zhvillohet në Bazel të Zvicrës. Përfaqësuesit shqiptarë, Shkodra Elektronike, do të performojnë në gjysmëfinalen e parë, me këngën “Zjerm”, një krijim që po bën jehonë brenda dhe jashtë vendit.
Që pas fitores në Festivalin e 63-të të Këngës në RTSH, “Zjerm” është shndërruar në një sensacion, duke u renditur ndër këngët më të ndjekura në YouTube nga të gjitha pjesëmarrëset e Eurovision 2025. Me qindra mijëra klikime dhe komente nga publiku ndërkombëtar, kënga po fiton përditë terren si një prej pretendentëve për fitues të këtij edicioni.
Performuar nga Beatriçe Gjergji dhe Kolë Laca, “Zjerm” është një përzierje artistike mes muzikës tradicionale shkodrane dhe elektronikës moderne. Kritika muzikore e ka përshkruar si “një nga risitë më të mëdha të këtij sezoni të Eurovizionit”.
Performanca skenike e Shkodra Elektronike shquhet për simbolikë të fortë, interpretim të fuqishëm dhe një estetikë që nuk ngjason me asnjë tjetër në garë.
Gjysmëfinalet e Eurovisionit do të mbahen më 13 maj dhe 15 maj, ndërsa finalja e madhe do të mbahet më 17 maj 2025.
Përmes zërit të Shkodra Elektronike, Shqipëria sjell në Eurovision një mesazh të qartë: kultura jonë nuk është vetëm traditë – është zjarr që vazhdon të digjet në format të reja, me guxim dhe dashuri për artin.
Shkodra Elektronike me “Zjerm” gëzon mbështetjen e Ministrisë së Ekonomisë, Kulturës dhe Inovacionit, si dhe të platformës CultureALB, Ditët Shqiptare në Botë.
Reagojnë avokatët ndërkombëtarë: Veliaj i burgosur pa prova, po shkelni Konventën Europiane. Kryebashkiaku: Do ndjek të gjitha rrugët ligjore që t’i shërbej përsëri Tiranës
Një ditë pas vendimit të Gjykatës së Lartë që la në fuqi masën "arrest me burg" për kryetarin e Bashkisë...
