Partia Social Demokrate e Tom Doshit, përmes një deklarate për shtyp ka njoftuar se nuk do të marr pjesë në mbledhjen e Këshillit Bashkiak të Shkodrës më 7 maj, vetëm katër ditë para zgjedhjeve parlamentare, për të votuar kalimin në administrim të plazhit të Velipojës, shoqërisë aksionare të bashkisë Shkodër, “Bio Strajca sh.a”.
PSD thekson se janë të gatshëm të votojnë vetëm më 13 maj, pas zgjedhjeve dhe vetëm për rritjen e ndihmës sociale me 6% dhe jo për diçka tjetër.
“Ne nuk kushtëzojmë askënd dhe jemi të gatshëm të votojmë ndihmën sociale më 13 maj, pas zgjedhjeve, por nuk bëhemi palë me korrupsionin e Benet Becit”, thuhet në deklaratë.
“Benet Beci kërkon t’u grabisë qytetarëve hapësirat publike në Velipojë dhe t’i kthejë me pagesë, kaq i pangopur është”, deklarojnë ata, ndërsa shtojnë se PSD do ta denoncojë dhe do kërkojë hetim për çdo tenderim të dyshimtë, pasi nuk bëjnë kompromis me abuzimin dhe kapjen e pasurive publike nga ana e kryebashkiakut Beci.
DEKLARATE PER SHTYP
Shkodër, më 6 maj, 2025
Partia Social Demokrate, dega Shkoder
PSD nuk do të marrë pjesë në mbledhjen e Këshillit Bashkiak të Shkodrës më 7 maj, vetëm katër ditë para zgjedhjeve parlamentare, ku përveç ndihmës sociale prej 6%, Benet Beci kërkon të kalojë në administrim plazhin e Velipojës shoqërisë aksionare të bashkisë Shkodër “Bio Strajca sh.a” dhe më pas një kompanie të lidhur me bashkëshorten e tij.
Ne nuk kushtezojmë askënd dhe jemi të gatshëm të votojmë ndihmën sociale më 13 maj, pas zgjedhjeve, por nuk bëhemi palë me korrupsionin e Benet Becit.
Benet Beci kërkon t’u grabisë qytetarëve hapësirat publike në Velipojë dhe t’i kthejë me pagesë, kaq i pangopur është. Ne si PSD do ta denoncojmë dhe do kërkojmë hetim për çdo tenderim të dyshimtë.
PSD nuk bën kompromis me abuzimin dhe kapjen e pasurive publike nga ana e kryebashkiakut Beci.
Mbetemi të palëkundur në mbrojtjen e interesit publik dhe jemi të vendosur të jemi zëri i qytetarëve dhe jo fasada e marrëveshjeve të fshehta politike apo familjare të kryetarit të bashkisë.
Ne ritheksojmë se jemi në mbështje të familjeve në nevojë të cilat janë thelbi i programit të PSD në këto zgjedhje dhe po ashtu jemi të gatshëm që ta votojmë kurdo herë pas 11 majit fondin 6% të ndihmës sociale.
