Këtë të enjte kanë mbërritur 12 375 vota nga diaspora, duke e çuar numrin në total në mbi 160 mijë.
Gazetarja Esiona Konomi raporton se përveç Greqisë, pakot me zarfet zgjedhore nëpër botë që nuk do të shpërndahen dot deri sot në darkë, do të kthehen në Shqipëri. 19 900 zarfe ende nuk janë shpërndarë te votuesit. Ndërsa 56 mijë fletë votimi, që zgjedhësit i kanë marrë, nuk i kanë kthyer ende.
Fluturimi i fundit me vota nga diaspora do të jetë të dielën në orën 17:00. Në çdo rast, çdo votë që do të hyjë në një pikë doganore të Shqipërisë, deri në orën 19:00, do të pranohet.
