Pas një romance të bujshme në shtëpinë e Big Brother VIP 4, Loredana Brati dhe Jozefin Marku u kthyen në një nga çiftet më të dashura dhe të komentuar të edicionit. Me një “martesë” simbolike brenda shtëpisë, ata fituan zemrat e publikut dhe lanë përshtypjen se do të vazhdonin lidhjen edhe jashtë.
Por çfarë ka ndodhur që nga dalja e tyre?
Ndryshe nga pritshmëritë, Loredana dhe Jozefin nuk janë parë më bashkë, as në rrjetet sociale e as në ndonjë dalje publike. Fansat kanë nisur të pyesin: ku është dashuria e madhe që nisi në BBV?
Gjithnjë e më shumë po përflitet se arsyeja kryesore e kësaj ftohjeje mund të jetë martesa e mëparshme e Loredanës, e cila – sipas informacioneve të afërta – nuk është zgjidhur ende. Gjatë qëndrimit në shtëpi, Loredana rrëfeu se kishte një martesë jashtë dhe premtoi se do ta mbyllte atë kapitull për hir të dashurisë me Jozin. Madje, Jozefin thuhet se i ka kërkuar qartë të ndërpriste çdo lidhje me burrin e saj të mëparshëm.
Por deri më sot, nuk ka asnjë konfirmim se Loredana është divorcuar. Përkundrazi, zërat janë shtuar se ajo mund të jetë ende në kontakt – ose ndoshta edhe në marrëdhënie – me bashkëshortin e saj aktual. Kjo hedh hije të forta dyshimi mbi sinqeritetin e lidhjes së saj me Jozin dhe ngre pikëpyetje mbi të ardhmen e tyre si çift.
A është martesa e pazgjidhur arsyeja pse Loredana po shmang çdo shfaqje me Jozin ? Apo pas gjithë kësaj fshihet diçka më shumë?
Për momentin, heshtja e saj vetëm sa shton kuriozitetin dhe ushqen spekulimet. Fansat presin me padurim një prononcim të qartë nga Loredana – nëse jo për Jozin, të paktën për të vërtetën e martesës së saj. Deri atëherë, gjithçka mbetet në terrin e supozimeve.
