Me vizionin për një Durrës më modern dhe më të aksesueshëm për të gjithë qytetarët, deputeti Arkend Balla, i zgjedhuri me më shumë vota në qytet, vijon të tregojë angazhimin e tij konkret në terren. Sot, ai inspektoi nga afër punimet për rikonstruksionin e rrugës “Sulejman Pitarka” në lagjen 18, një ndër rrugët kryesore që lidh qendrën urbane me zonat rezidenciale.
“Rikonstruksioni i kësaj rruge është premtim i mbajtur dhe hap drejt një infrastrukture më të denjë për banorët e lagjes 18”, deklaroi Balla gjatë inspektimit. Ai vlerësoi progresin e deritanishëm të punimeve, duke theksuar rëndësinë që ka kjo ndërhyrje për lehtësimin e qarkullimit dhe përmirësimin e cilësisë së jetës.
Banorët e pranishëm shprehën mirënjohjen për vëmendjen e vazhdueshme të deputetit, ndërsa shumë prej tyre e konsiderojnë rikonstruksionin një arritje që pritej prej vitesh.
