Një tjetër yll i vogël është ngjitur në skenë dhe ka rrëmbyer zemrat e publikut dhe jurisë! Rigers Lloha, fitues i titullit “Mister Kids Krenaria Shqiptare 2024”, një nga eventet më të rëndësishme që promovon talentet e rinj shqiptarë.
Në një podcast të realizuar pas fitores, Rigersi ndau emocionet e forta të momentit që i ndryshoi ditën, ndoshta edhe rrugëtimin e tij të ardhshëm:
“Ishte super emocion. Nuk e prisja. Në atë çast po më rrihte zemra shumë fort, po prisja me padurim të fitoja. Më vlejti shumë kjo eksperiencë, sepse në të ardhmen do më ndihmojë të krijoj edhe më shumë eksperiencë,” – u shpreh ai me sinqeritet.
Ky triumf nuk është vetëm një sukses personal, por edhe një frymëzim për shumë fëmijë të tjerë që duan të ndjekin pasionin dhe të tregojnë veten me krenari.
Eventi modelingut është kthyer në një platformë ku fëmijët jo vetëm prezantojnë veten, por edhe kulturën dhe vlerat shqiptare në një mënyrë të bukur dhe të denjë. Me fitoren Rigers Lloha konfirmohet se brezi i ri ka potencial të jashtëzakonshëm për të përfaqësuar Shqipërinë me dinjitet dhe krenari.
