Ambla Arbana është shpallur fituese e kurorës Miss Beauty Shijak 2025, duke rrëmbyer zemrat e jurisë dhe të publikut me hijeshinë dhe ëmbëlsinë e saj.
Në një intervistë pas fitores, vogëlushja simpatike ka zbuluar edhe ëndrrën e saj për të ardhmen. “Kur të rritem, dua të bëhem doktoreshë,” tha Ambla me shumë emocion.
Përveç bukurisë natyrale, Ambla ka spikatur në skenë edhe për vetëbesimin dhe energjinë pozitive. Organizatorët e eventit u shprehën të lumtur për pjesëmarrjen e saj dhe theksuan se ajo është një shembull frymëzues për bashkëmoshatarët.
Ndërkohë, familja e saj janë tepër krenare për arritjen e Ambla-s, duke e mbështetur me shumë dashuri në këtë rrugëtim të parë në botën e modës dhe spektaklit.
Mesa duket, për Ambla-n suksesi në skenë është vetëm fillimi. E ardhmja e saj është e ndritur, mes pasionit për botën e spektaklit dhe ëndrrës për të ndihmuar të tjerët si doktoreshë.
