Alesio Shahini, i cili këtë vit u shpall Mister Imazhi, ka ndarë për herë të parë emocionet dhe prapaskenat e fitores në një podcast të fundit.
I ftuar në episodin më të ri, ai tregoi për momentin e veçantë kur dëgjoi emrin e tij si fitues dhe për reagimin e familjes së tij. “I pari që më telefonoi ishte babai. Më tha: Suksese, bravo për fitoren dhe të duam shumë! Ishte një emocion shumë i madh për mua,” u shpreh Alesio.
Modeli i ri tha gjithashtu se fitorja nuk ka qenë një rrugëtim i lehtë, por i mbushur me përkushtim dhe mbështetje nga njerëzit më të afërt. “Familja ka qenë gjithmonë krah meje, dhe kur më panë në podium si fitues, ishin më krenarë se kurrë,” shtoi ai.
Në podcast, Alesio rrëfeu edhe disa prapaskena interesante nga përgatitjet për garën dhe emocionet para shpalljes së rezultatit. “Ka pasur shumë prova, por dhe shumë dashuri nga publiku,” tha ai.
Fituesi i Mister Imazhi premton se kjo është vetëm fillimi i rrugëtimit të tij në botën e modës dhe se projektet e reja nuk do të mungojnë.
